Library
ବାପୁ, ଆମ ପୂଜ୍ୟ ପରମ୍ପରା !
ବାପୁ, ଆମ ପୂଜ୍ୟ ପରମ୍ପରା !
1 min
6.9K
ହେ ବାପୁ !
ବିବଶ ନ ଥିଲ ତୁମେ
ବାସ୍ତବ,ବିକ୍ଷିପ୍ତ ଆଉ ବଳିଷ୍ଠ ଚରିତ୍ର !
ତୁମ ସତ୍ତା ଏବେ ବି ସମୃଦ୍ଧ,
ଏ ଦେଶରେ ଖାଲି ନୁହେଁ,
ସମଗ୍ର ବିଶ୍ୱରେ ।
ସଂଗ୍ରାମ ତୁମରି ଥିଲା
ବର୍ବରତା, ନିଷ୍ଠୁରତା ଆଉ
ଅନ୍ୟାୟ ଉପନିବେଶ ବିରୋଧରେ ।
ସିଏ ପୁଣି ଶାନ୍ତିର ସମର ।
ଅହିଂସାର ଅଲିଭା ଭାସ୍ବର ।
ଦ୍ବନ୍ଦ୍ୱର ଦୁନ୍ଧୁଭି ଦେଇ
ଅଟଳ ଅପ୍ରତିଦ୍ବନ୍ଦୀ ଭାବେ
ଗାଁ ରୁ ସହର,ସହର ରୁ ଗାଁ,
କ୍ଷେପିଥିଲା ତୁମରି ନିର୍ଲିପ୍ତ ବ୍ୟକିତ୍ୱ ।
ବିଶାଳ ହୃଦୟର ପ୍ରତୀକ ତୁମେ,
ହିମାଳୟ ପରି ନିଶ୍ଚଳ,ସୁଦୃଢ଼ ।
ବୁଦ୍ଧଙ୍କ ଭଳି ସଂଘ,ସନ୍ଥ ଆଉ
ମାନବ ଧର୍ମର ଆବାହକ ଥିଲ ତୁମେ ।
ଶୈବତ୍ୱ,ଜୈନତ୍ୱ ଆଉ ବୁଦ୍ଧତ୍ୱର
ତ୍ରିବେଣୀ ସଙ୍ଗମ,ତୁମ ବ୍ୟକ୍ତିତ୍ୱରେ ।
ତୁମେ ଚିନ୍ମୟ,
ତୁମେ ସମନ୍ୱୟ
ପ୍ରାସଙ୍ଗିକତା ଆଉ
ଅପ୍ରସଂଗୀକତା ର ।
ସକଳଙ୍କ ପାଇଁ ବାଂଛି ବାଂଛି
ଶୀକାର ହୋଇଥିଲ
ଅବାଞ୍ଛାନିୟତା ର ।
ଜାତି,ଧର୍ମ,ବର୍ଣ୍ଣ, ସବୁର
ନାମ ଦେଇଥିଲ,"ମାନବିକତା" !
ବ୍ରହ୍ମଚର୍ଯ୍ୟ ର ବ୍ରତୀ,
ତୁମେ ବ୍ରହ୍ମଚIରୀ !
ନିଜ ଜନ୍ମ ଜାତକକୁ
କରିଥିଲ ଲୋକାର୍ପଣ,
ଦେଶ ହାତେ,ଜାତି ହାତେ ।
ହେ ଦେଶ ଭକ୍ତ !
ଉଚ୍ଚ ନୀଚ,ଭେଦ ଭାବ ବିହୀନ
ସର୍ବ ଧର୍ମ ସମନ୍ୱୟ
ଥିଲା ତୁମ ପ୍ରାଣର ପ୍ରଣୟ ।
ସର୍ବାଗ୍ରେ,ସମୃଦ୍ଧ ସଂକଳ୍ପ ଥିଲା ତୁମ
ସମଗ୍ର ବିଶ୍ୱର ପାଇଁ !
ହେ ଦାର୍ଶନିକ !
ହେ ବିଶ୍ୱ ନାୟକ ! !
ହେ ଚିର ନାମସ୍ୟ ! ! !
ଆତ୍ମ ତ୍ୟାଗ,ଅତ୍ମୋସର୍ଗ,
ଆତ୍ମ ବଳିଦାନ,ସବୁ ଥିଲା
ତୁମ ଅଙ୍ଗ ଅଳଙ୍କାର ।
ତୁମ ଲୋକାର୍ପଣ ଭାବ
ହେଉ ଆମ ମନର ଗହଣା ।
ତୁମରି ଆଦର୍ଶ ହେଉ ଆମ
ପୂଜ୍ୟ ପରମ୍ପରା ।
