ଅନନ୍ଯା ଅଭିମାନୀନୀ
ଅନନ୍ଯା ଅଭିମାନୀନୀ
ମୁଁ ଏକ କଳଙ୍କିତ ନାୟକ
ମୁଁ ଏକ ସ୍ବପ୍ନହଜା ବଣିକ
ମୁଁ ଏକ ପ୍ରତ୍ଯାଖ୍ଯାତ ପ୍ରେମିକ
ମୁଁ ଏକ ଦିଗହରା ପଥିକ।
ମୁଁ ଏକ ଅଲୋଡ଼ା ଆଗତ
ମୁଁ ଏକ ଅଖୋଜା ଅତୀତ
ମୁଁ ଏକ ଶୁଷ୍କ ମରିଚିକା
ମୁଁ ଏକ ମିଥ୍ୟା ପ୍ରହେଳିକା
ହେ ମୋ ପ୍ରାଣ ପ୍ରେୟସୀ
ମୋ ଇପ୍ସିତ ରାଜହଂସୀ !
ତୁମ୍ଭେ ନିଜକୁ ସମ୍ଭାଳି ନିଅ
ଆଉ ଚାଲି ଯାଅ ବହୁ ଦୂରକୁ
ଯେଉଁ ଠାରେ ଅନନ୍ତ ପ୍ରେମ
ମୂଲ ଚାଲ ହୋଇ
ଢଳି ପଡିଛି
ବାସ୍ତବ ଦୁନିଆରୁ
ବସ୍ତୁବାଦୀ କୋଳକୁ.....!
****
ହେ ମୋର ପ୍ରାଣ ପ୍ରିୟ
ମୋ ବିଦଗ୍ଧ ହୃଦୟର
ଲୁକ୍କାୟିତ କୋହ
ତୁମ ବିନୁ ବଞ୍ଚିବି
କିପରି.........!
ଥରୁଟିଏ ସତୃପ୍ତ ନୟନରେ
ଚାହିଁ ମୋତେ କଥା ଦିଅ......!
ନିଶୀଥେ ଆସିବ ଧିରେ
ଚରଣ ଚଳାଇ ଥିରେ
ଛପି ଛପି ମୋ ଅଙ୍କ ପଲଙ୍କେ
ସନ୍ତର୍ପଣେ ହୋଇ ସମର୍ପଣ
ହୃଦୟେ ମୋ କର ବିଚରଣ
ଅନାବୃତ ଶରୀରକୁ
ଗୋଟାପଣେ କର ଆବରଣ......!