ଆଜିର ଜନତା

ମରୁଭୂମି ପରି ପାଲଟି ଯାଇଛି

ଆଜିର ସମାଜ ନୀତି,

ଆଖି ସାମ୍ନାରେ ଯେତେବେଳେ ଘଟୁଛି

କିଛି ଅଘଟଣର ଇତି ।

ବାସ୍ କିଛି ଲୋକ ପାଲଟି ଯାଆନ୍ତି

ମୁକ ପରି ତାଙ୍କ କଥା,

ଜାଣିଶୁଣି ଅନ୍ୟାୟ ଆଗରେ ସିଏ

ନୁଆଁଇ ଦିଅନ୍ତି ମଥା ।

ଧିକ୍ ତୁମ ଆଜିର ଯୁଗର ନର

ପଛଘୁଞ୍ଚା କାହିଁ ଏତେ,

ସମାଜ ଆଗରେ ତୁମ ପରିବାର

ଗଢିବୁ କେମିତି ସତେ ।

ଯେତେବେଳେ ତୁମ ଝିଅ ଚାଲୁଥିବ

ରାଜ ରାସ୍ତା ସଡ଼କରେ,

ଯଦି ସେହି ଝିଅ ଘରକୁ ନ ଫେରେ

ଭାବିଛୁ କି ନାହିଁ ମନରେ ।

ବେଳ ଥାଉ ଥାଉ ସାବଧାନ ରୁହ

ଆଜିର ସମାଜେ ଜନ,

ମୁକ ପରି ବ୍ୟବହାର ନ କରି

ମୁହଁଖଲି କର ଶାସନ।।

◆ କେ.ନିର୍ମଳ

◆ ଭଦ୍ରକ, ବାସୁଦେବପୁର(ଜଗନ୍ନାଥି)