Audio

Forum

Read

Contests

Language


Write

Sign in
Wohoo!,
Dear user,
ସମସ୍ତେ ଶୋଇଗଲା ପରେ
ସମସ୍ତେ ଶୋଇଗଲା ପରେ
★★★★★

© Bikesh Sahu

Others

1 Minutes   196    10


Content Ranking

ସମସ୍ତେ ଶୋଇଗଲା ପରେ

କାହିଁକି ଯେ ମୋ ନିଦ ଭାଙ୍ଗିଯାଏ

ସେଇ ଅମା ଅନ୍ଧକାର ରାତିର ନିଃସଙ୍ଗତା ଭିତରେ

ନିଝୁମ ରାତିର ଝିଙ୍କାରୀର ଝଙ୍କାର ସାଥିରେ

ମୋ ହୃଦୟର ସ୍ପନ୍ଦନ ମିଶିଗଲା ପରେ

କାହିଁକି ଯେ ମୁଁ ଖୋଲି ବସେ

ମୋ ଅତୀତ ସ୍ମୃତି ସବୁର

ଛାତତଳ ସାଇତା ମୋ ଜୀବନ ଗ୍ରନ୍ଥାବଳୀର ପ୍ରତିଟି ପୃଷ୍ଠା ସବୁ

ତା ପୁଣି ଗୋଟେ ପରେ ଗୋଟେ

ଆଉ ନିଜକୁ ହଜେଇ ଦେଇ ପୁଣି ଆବିଷ୍କାର କରେ

ସେଇ ଅଧଚିରା ପ୍ରତିଟି ଅତୀତ ପୃଷ୍ଠାରେ......

ସମସ୍ତେ ଶୋଇଗଲା ପରେ

କାହିଁକି ଯେ ମୁଁ ଚେଇଁ ରହେ

କିଛି ସମୟ ପାଇଁ ନିଜେ ମୁଁ ନିଜକୁ ତ ଭୁଲିଯାଏ

ଯେଉଁଠୁ ଆରମ୍ଭ କରେ ଶେଷରେ ପୁଣି ସେଇଠି ପହଞ୍ଚି ଯାଏ

ଠିକ କାନ୍ଥ ଘଣ୍ଟାର ପ୍ରତିଟି କଣ୍ଟା ପରି

ପ୍ରାଣ ହୀନ ନିର୍ଜୀବଟେ ସାଜି ସେମିତି ବସି ରହେ

ଘର କୋଣ ଚଉକି ଉପରେ

ଅତୀତ ସ୍ମୃତିର ପ୍ରତିଟି ଅଭୁଲା ସମୟ ତକକୁ ଭାବି ବସେ

ଆଉ ଆଜିବି ମୁଁ ସିକ୍ତ ହୋଇଉଠେ

ଅଶ୍ରୁ ଶ୍ରାବଣର ପତିଟି ଧାରେ ଧାରେ

ଅତୀତର ସ୍ମୃତି ଚରଣରେ......

ସମସ୍ତେ ଶୋଇଗଲା ପରେ

କାହିଁକି ଯେ ମୁଁ ହଜିଯାଏ

ସେଇ କଲେଜ ଜୀବନର ହାତଲେଖା ଡାଏରି ଭିତରେ

ମହମବତୀର କ୍ଷୀଣ ଆଲୁଅରେ ବି ପଢ଼ି ବସେ

ତାର ପ୍ରତିଟି ପୃଷ୍ଠାକୁ ଗୋଟେ ପରେ ଗୋଟେ

ଜାଣେନା କାହିଁକି ଯେ ଏତେ ଭଲ ଲାଗେ

ଝରକାର ମୃଦୁ ପବନର ସ୍ପର୍ଶ ସାଥିରେ

ସତେଜ ହୋଇଉଠେ ତୁମ ସହ ବିତା ପ୍ରତିଟି ଅନୁଭୂତି

ଆଉ ମୁଁ ହଜିଯାଏ ପୁଣି ଥରେ

ସେଇ ଅତୀତ ପୃଷ୍ଠା ରେ.....

ସମସ୍ତେ ଶୋଇଗଲା ପରେ.....

ବିକେଶ@

ଶୋଇ ରାତିର ଜୀବନ

Rate the content


Originality
Flow
Language
Cover design

Comments

Post


Some text some message..