ଜନତା ନତମସ୍ତକ

ଜନତା ନତମସ୍ତକ

 

ରାଜେଶ କୁମାର ଜୈନ୍ (ଶାନ୍ତିରାଜେଶ)

 

ମନୁଆ ରଜାଙ୍କ ନୂଆ ସନ୍ଦେଶ,

ପୁରୁଣା ମାଇପଙ୍କ ମାନ୍ୟତା ଶେଷ,

ଜମା କର ଶଶୁର ଘରେ ଆଦେଶ,

ମରଦ ଜାତିରେ ହର୍ଷ ଉଲ୍ଲାସ ।

 

ମ୍ୟାରେଜ୍ ବ୍ୟୁରୋରେ ବାଇଆ ରସ୍,

ପ୍ରଥମେ ଆସ, ପ୍ରଥମେ ପାଅ ବିଶେଷ,

ଧନ୍ୟ ଦେଶର ରାଜନୀତି ଚାଷ,

ଜନତା ସେଇ ଗୁଡ଼ ମାଠିଆରେ ପଶ ।

 

ପବିତ୍ର ତୁଠେ ସବୁ ଲଙ୍ଗଳା,

ଜଣେ ଜଣକୁ ବୋଳୁଛି କଳା,

କମ୍-ବେଶିର ସବୁ ଝାମେଲା,

ଜନତା ଧ୍ୟାନଭଙ୍ଗର ଲୀଳା ।

 

ଚାଲୁଣି କହୁଛି ଛୁଞ୍ଚିକୁ କଣା,

କିଏ ଅଜଗର, କିଏ ରଣା,

ହରିଲୁଟ୍ ଭାଗଭାଗ ପାଉଣା,

ଜନତା ମଢ଼, ପଲପଲ ଶାଗୁଣା ।

 

ଶୋଇବାକୁ ନାହିଁ ତାଟି,

ଖାଦ୍ୟ ବିଜୁଳି ବିରିବାଟୀ,

ଧରାପଡୁଛି କୋଟିକୋଟି,

କ୍ୟାସ୍-ଲେସ୍-ରେ ବାଜୁଛି ଘଣ୍ଟି ।

 

ଦେଖରେ ଦେଖ ଏମାନଙ୍କ ନାଟକ!

ଏଣ୍ଡୁଅଠାରୁ ବେଶି ଘାତକ,

ସବୁ ଖାଇ ଧାର୍ମିକ ଜାତକ,

ଜନତା ଆଜି ନତମସ୍ତକ !

 

ଅପର୍ଣ୍ଣା ନଗର, ଚାଉଳିଆଗଞ୍ଜ, କଟକ-୭୫୩୦୦୪

ଫୋନ୍ : ୯୪୩୭୦୨୦୬୧୮

*****