Library
ଦେଶପ୍ରେମ
ଦେଶପ୍ରେମ
1 min
6.8K
ଦେଶପ୍ରେମ
ମନୋଜ ଦଳବେହେରା
ବର୍ଷରେ ତ ମାତ୍ର ଯୋଡିଏ ଦିନ
ଯେଉଁ ଦିନ ଛଳନାର ଘୋଡାରେ ସବାର୍ ହୋଇ
ଦେଶପ୍ରେମ ଆସେ ବିଗୁଲ୍ ବଜାଇ;
ପୁଣି ସ୍କୁଲ୍ ପିଲାଂକ ପ୍ରଭାତଫେରୀରେ ,
ନେତାଂକ ଭାଷଣରେ,
ବନ୍ଦେ ମାତରମର ନାରା ଭିତରେ
ଶହୀଦମାନେ କବର ତଳୁ ଉଠି ଆସନ୍ତି
ବର୍ଷରେ ଥରେ ଥରେ ତ ମନେ ପଡନ୍ତି !
ସତେକି ଭାବମୟ ହୋଇଯାଏ ଦେଶ
ଚାଇନା ତିଆରି ଟୋପି ଆଉ
ପତାକାର ବେପାର ଭିତରେ;
ଦେଶ ପାଇଁ କବିତା ସବୁ ଲୁହ ଢାଳନ୍ତି
ବିଦଗ୍ଧ ଶ୍ରୋତାଂକ ଅଜସ୍ର ତାଳି ମାଡରେ !
ଦେଶପ୍ରେମ ଏମିତି ଆସେ
ନିଜ ଅସ୍ତିତ୍ଵ ଜାହିର୍ କରେ
ବିଶ୍ଵାସ କରେ ବଂଚିଛି ବୋଲି
ଅହଂକାରର ପଟୁଆରରେ
ସଜିଲ୍ ହୋଇ ଏମିତି
ବର୍ଷରେ ତ ଥରେ ଥରେ !!!
ଫରେଷ୍ଟ କଲୋନୀ,
ବାରିପଦା-୭୫୭୦୦୨
ମୋ: ୯୪୩୭୨୯୪୯୪୫, ୭୯୭୮୭୫୪୯୦୭
email : makudabe64@gmail.com
