ସେ ହେଉଛି ନାରୀ
ସେ ହେଉଛି ନାରୀ
ଶ୍ରୀ ଗୌରହରି ପଣ୍ଡା
ନିଦାଘ ଗ୍ରୀଷ୍ମରେ ଅବା
ମରୀଚିକା ମନ ମରୁଭୁମିରେ
ନlହିଁ ନlହିଁର ବୀଜରୁ
ହଁ ର ଆଙ୍କୁରୋଦଗମ ଯେ କରାଇପାରେ
ସେ ହେଉଛି ନାରୀ l
ଫାଇଲିନରେ ଅଣ୍ଟା ଭାଙ୍ଗି ଯାଇଥିବା ସ୍ବାମୀର
ଜାପାନୀ ଜ୍ଵରରେ ନିଃସନ୍ତାନ ହୋଇ ଯାଇଥିବା ବାପାର
ମନରେ ସଂସାର ପୁଣି ଗଢି ତୋଳିବାର
ରଙ୍ଗୀନ ସ୍ଵପ୍ନ ଦେଖାଇ ପାରେ ଯେ,
ସେ ହେଉଛି ନାରୀ l
ପ୍ରତି ମୂହୁର୍ତ୍ତରେ ନିଜକୁ ଜାଳି ପୋଡି
ଅନ୍ୟର ଆନନ୍ଦ ଉପଭୋଗ କରିପାରେ
ମରିବା ପୂର୍ବରୁ ଅନେକ ଥର ଜଳିପାରେ
ସୃଷ୍ଟି ଓ ସ୍ରଷ୍ଟା ମଧ୍ୟରେ ସମ୍ପର୍କର ସେତୁ ବନ୍ଧଟିଏ ଯିଏ
ସେ ହେଉଛି ନାରୀ l
ବଢି ନଈର ବିଚିତ୍ର ଗତି ପରି
ଦୁଇ କୂଳ ମାଡି ସାଗରରେ ମିଶିଯାଏ
ବଙ୍ଗୋପସାଗରରୁ ସୃଷ୍ଟ ସାଇକ୍ଳୋନିକ ଷ୍ଟର୍ମ ପରି
ଜନପଦକୁ ଧ୍ଵସ୍ତ ବିଧ୍ଵସ୍ତ କରି ପାରେ ଯେ,
ସେ ହେଉଛି ନାରୀ