ମୋ ଭାବନା
ମୋ ଭାବନା
1 min
7.2K
କାହିଁକି କେଜାଣି ଦେଖିବା ପାଇଁ ତ
ଚକ୍ଷୁ ଖୋଜୁଥାଏ ତୁମେ
ନିତି ଖୋଜୁଥାଏ ପଦଚିହ୍ନ ତୁମ
ମୋହରି ଅଗଣା ଆଗେ।
କାହିଁକି କେଜାଣି ମଗ୍ନ ହେବାକୁ ତ
ମନ ଲାଗେ ତୁମ ଠାବେ
ତଟିନୀ ସମ ତ ମିଶିବାକୁ ଇଚ୍ଛା
ତବ ସମୁଦ୍ରରେ ସାଦେ ।
ଚନ୍ଦ୍ରମାର ଭାବେ କୁମୁଦିନୀ ଯେହ୍ନେ
ସଦା ବୁଡି ରହିଥାଏ
ସେପରି ମୁହିଁ ଯେ ବୁଡି ରହିଥାଏ
ତୁମ ଭାବନାର ମଧ୍ୟେ ।
ମୋ ହୃଦୟ ମଧ୍ୟେ ବସନ୍ତ ଆଣିଛ
ଆଶାର ପ୍ରଦୀପ ଜାଳି
ସେହି ବସନ୍ତରେ ପ୍ରୀତି ପାଇଁ ମୁଁ ଯେ
ହେଉଅଛି ସଦା ଭାଳି।
କାହିଁ ଏ ଭାବନା ଆସୁଛି ମୋ ହୃଦେ
ଜାଣି ତ ପାରୁନି ମୁହିଁ
ନିରୋଳାରେ ବସି କାହିଁ ବା ଲେଖୁଛି
ଏହା ଯେ ତୁମରି ପାଇଁ।