ରଖିଲନି କିଛି ବାକି
ରଖିଲନି କିଛି ବାକି
ଗୁମୁରି ଗୁମୁରି କାନ୍ଦି ମରୁଛି ମୁଁ
ତୁମେ ହସ ମୋତେ ଦେଖି ,
ଏ ମରମ କଥା ମୁହଁ ଖୋଲି କୁହ
କାହାକୁ କହିବି ଡାକି ।(ଘୋଷା)
ଆହା କରି ମୋତେ ହେବ କିଏ ସାହା
ତୁମେ ବୁଲେଇଲ ମୁହଁ ,
ଏତେଦିନ ପରେ ବୁଝିଲି ଯାଇକି
ମୁଁ କେବେ ତୁମର ନୁହଁ ।
ବିଶ୍ୱାସରେ ମୋର ବିଷ ଦେଲ ତୁମେ
ରଖିଲନି କିଛି ବାକି ।(୧)
ଏ ମରମ କଥା ମୁହଁ ଖୋଲି କୁହ
କାହାକୁ କହିବି ଡାକି ।
ମନେ ଥିଲା ଯଦି ଏଡ଼ିକି କପଟ
ଦେଉଥିଲ କିଆଁ ଆଶା ,
ମନ ମାରି ପଛେ ରହିଯାଇଥା'ନ୍ତି
କହିଥିଲେ କଟୁଭାଷା ।
ହେଲେ ତୁମେ ଏଡ଼େ ନିଦାରୁଣ ହେଲ
ଲୋକହସା କଲ ଠକି ।(୨)
ଏ ମରମ କଥା ମୁହଁ ଖୋଲି କୁହ
କାହାକୁ କହିବି ଡାକି ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।