ମାଡ଼ିଯିବ ଡେଙ୍ଗୁ, ମ୍ୟାଲେରିଆ, ବାତ ଜର
ମାଡ଼ିଯିବ ଡେଙ୍ଗୁ, ମ୍ୟାଲେରିଆ, ବାତ ଜର
ମାଡ଼ିଯିବ ଡେଙ୍ଗୁ, ମ୍ୟାଲେରିଆ, ବାତ ଜର
ପର୍ଶୁରାମ ବିଶ୍ୱାଳ
,
ବୁଝେଇ ବୁଝେଇ ଥକିଗଲିଣି ମୁଁ ମୋ କଥା କେ’ ଶୁଣୁନାହିଁ,
କହିବୁ ଟିକିଏ ମୋ ଗାଆଁ ପିଲାଙ୍କୁ ଆରେ ମୋ କଳାକହ୍ନେଇ,
ଗାଆଁଟିକି ସଫା କରିବେ ସେ ନିଶ୍ଚେ
ପରିବେଶେ ଧ୍ୟାନ ଦେଇ ।
ଆମ ଗାଁ ପୋଖରୀ ଦଳ ଭରିଅଛି, ମଶା କରିଚନ୍ତି ଘର,
ସଫା ନହେଲେ ସେ ମାଡ଼ିଯିବ ଡେଙ୍ଗୁ, ମ୍ୟାଲେରିଆ, ବାତ ଜର,
ପଚା ନର୍ଦ୍ଦମା ସେ ପାଣି ଗନ୍ଧାଉଚି
ଘରେ ବି ପାରୁନୁ ରହି ।
ଅଙ୍କାବଙ୍କା ଆମ ଗାଆଁ ରାସ୍ତା ଗୋଟି ଦି’କଡ଼ରେ ବେଣାମୟ,
ସାଇକଲ ଅବା ଚାଲିକି ଗଲେ ବି ବାଡ଼େଇହବାଟି ଥୟ,
ସଫା ନହେଲେ ସେ ବେଣାଗଛ ସବୁ
କିଏ ଅବା ଯିବ କାହିଁ ?
କୁନିକୁନି ପିଲା ଖେଳିବା ପାଇଁକି ନାହିଁରେ ଆମ ପଡ଼ିଆ,
ଯେ’ ଥିଲା ସେ ଜାଗା ମାଡ଼ିବସିଅଛି ଛୋଟ ଘାସ ଗୁଗୁଚିଆ,
କାନ୍ଦିକି ପିଲାଏ କହନ୍ତି ମାଆକୁ
କୋଉଠି ଖେଳିବୁ ଯାଇ ?
ସଫେଇ କାମରେ ଲାଗିଯିବେ ଯେହ୍ନେ ମୋ ଗାଆଁର ଯୁବଗୋଷ୍ଠୀ,
ସିମିତି ତାଙ୍କୁ ତୁ କହିବୁ ଠାକୁର, ଫେରେଇବେ ତାଙ୍କ ଦୃଷ୍ଟି,
ସବୁ ଗାଆଁ ସଫା ଦେଖିଲେ ଗାନ୍ଧିଜୀ
ହସିବେ ସରଗେ ଥାଇ ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****