କଅଁଳିଛି ନୂଆ ଡେଣା
କଅଁଳିଛି ନୂଆ ଡେଣା
ପ୍ରଜାପତି ଭଳି ଉଡ଼ିବୁଲୁଛି ମୁଁ
କଅଁଳିଛି ନୂଆ ଡେଣା ,
ଆଦରରେ କିଏ ସାଉଁଟି ନେବ କି
ହେବାଆଗୁଁ ବାଟବଣା ।
ମନ ମଣିଷ ଯେ ଆସ ;
ତୋଳିନେଇ ତୁମ ବାହୁ ବନ୍ଧନରେ
ହୃଦୟ ବେଦନା ନାଶ ।
କଳପନାରେ ମୋ ଆସ ତୁମେ କିଏ ,
ମିଠା ମିଠା କଥା କୁହ କାନେ ଯିଏ ।
କେମିତି କହିବି ହାଏ ;
ମୋ ମନ ତୁମଠି ଯାଇଅଛି ଲାଖି
ତୁମକୁ ମୁଁ ଭଲପାଏ ।
ଚପଳଛନ୍ଦା ମୁଁ ନହୁଲି ବୟସୀ ,
କଥାରୁ ମୋ ଖାଲି ମହୁ ପଡ଼େ ଖସି ।
ମତ ଦେଉଛନ୍ତି କେତେ ;
ଭାଗ୍ୟ କରିଥିବ ଯିଏ ସେ ପାଇବ
ପ୍ରିୟା ଭାବେ କାଳେ ମୋତେ ।
ଉଡ଼ିବୁଲି ଏବେ ହାଲିଆ ହେଲିଣି ,
ବସିିବାକୁ ଟିକେ ମନ ଚାହିଁଲାଣି ।
କିଏ ସେ ମନର ମିତ ;
ଘେନି ପ୍ରିୟ ଭାବ ସାହାରାଟି ଦେବ
ଧରିନେଇ ମୋର ହାତ ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।