Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Pranati Mahapatra

Children Stories Others

3  

Pranati Mahapatra

Children Stories Others

ଆସରେ ପିଲେ ବଣକୁ ଯିବା

ଆସରେ ପିଲେ ବଣକୁ ଯିବା

1 min
222


ଗରମ ହେଲାଣି ମଳୟ ବହୁନି

ଝାଞ୍ଜି ଖରା ଆଉ ସହି ତ ହେଉନି

କେମିତି କୁହ, କେମିତି କେମିତି କୁହ

ଜୀବନ ଧରି ଦଣ୍ଡେ ଆଉ ରହିହେଉ ନି।

ଭାବୁଛି ଆଜି ଗୋଟିଏ କଥା

ରାଜି ତ ଯଦି ଟୁଙ୍ଗାର ମଥା ।

ଆସରେ ପିଲେ ବଣକୁ ଯିବା

ପ୍ରକୃତିର ସୌନ୍ଦର୍ଯ୍ୟ ଦେଖିବା

ବୁଲି ବୁଲି ନାନା ଗଛ ଚିହ୍ନିବା

ତାହାର ସୁଗୁଣ ଖାତାରେ ଲେଖିବା ।

ଆସରେ ପିଲେ …।

ଶାଳ, ପିଆଶାଳ, ଶିଶୁ, ଶାଗୁଆନ

ଆକାଶି, ଜୁଆଙ୍ଗ, ଅର୍ଜୁନ

ସୁମରି, କଇଁଆ, ଆମ୍ବ, ପଣସ, କଇଥ

ଡିମିରି, ବରୁଣ, ଚନ୍ଦନ ।

ରାଇ, ବଣିଆ, ହେନ୍ତାଳ, ପିତାମାରି

ସୁନ୍ଦରୀ, ଗୁଆଁ, ବନୀ,

କେରୁଆଁ, ସିଙ୍ଗଡା, ରୁଅ, ପାଣିଆମ୍ବ,

ବଣଲେମ୍ବୁ, କମଳା, ଆଣିବା ।

ଆସରେ ପିଲେ.....।

ନାନା ଫଳମୂଳ ଖୋଜି ଖାଇବା

କିଛି ତୋଳି ଆମେ ସାଥେ ଆଣିବା

ମହୁଲ, କାନ୍ଦୁଲ, ଖଜୁରୀ ଆଦି

ଯାହା ନ ଖାଇଛେ ସବୁ ଚାଖିବା ।

ଆସରେ ପିଲେ.... ।

ବଣରେ ବୁଲି ଅପୂର୍ବ ସୁଗନ୍ଧ

ସବୁ ଆଘ୍ରାଣ କରିବା

କେତେ ବଡ଼ବଡ଼ ମହୁବସା ଆମେ

ଗଛରେ ଦେଖିବା

ଝୁଣା, ଲାଖ ଭଳି କେତେ ଦରବ

ସାଥିରେ ଆଣିବା

ବଣ ମଣିଷ ସାଥିରେ ଆମେ

ମଇତର ବସିବା ।

ଆସରେ ପିଲେ... ।

ବଣର ଗଛ କିପରି ଆମରି ମିତ

ସେ କଥାକୁ ସବୁ ପଚାରି ବୁଝିବା

ତା ପାଇଁ ଆମରି ଜୀବନ ଧାରଣ

ସମ୍ଭବ ହେଉଛି ଆଖିରେ ଦେଖିବା

ଜଙ୍ଗଲର ଅବକ୍ଷୟ କରୁଛି ମଣିଷ

ଗାଆଁ,ସହରବାସୀଙ୍କୁ ବୁଝାଇ କହିବା

ଆସରେ ପିଲେ.... ।

ଖାଲି ଜାଗା ଦେଖି ବୃକ୍ଷ ରୋପିବା

ଖତ, ସାର, ପାଣି ଦେଇ ତାକୁ ବଞ୍ଚାଇବା

ସିଏ ବଞ୍ଚିଲେ ଆମେ ବଞ୍ଚିବା

ସଭିଙ୍କୁ ବୁଝାଇ କହିବା ।

ଆସରେ ପିଲେ ବଣକୁ ଯିବା...।


Rate this content
Log in