Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Jyotiranjan barik

Fantasy

3  

Jyotiranjan barik

Fantasy

ସ୍ରଷ୍ଟା ତୁମେ ଚମତ୍କାର

ସ୍ରଷ୍ଟା ତୁମେ ଚମତ୍କାର

1 min
96



ମୁଁ ଜାଣେ , 

ତୁମେ ଗଢିପାର ଶବ୍ଦର ମାଧୁର୍ଯ୍ୟରେ 

ଆଉ ଗୋଟେ ପୃଥିବୀକୁ ତୁମ ଲେଖନୀ ମୁନରେ , 

ଆଉ ମନର ପରିଭାଷାକୁ ଆଙ୍କିପାର ବେଶ୍ ସ୍ପଷ୍ଟ ଭାବରେ 

ଖଣ୍ଡେ ସାଦା କାଗଜର ଛାତି ଉପରେ ।


ଖଣ୍ଡେ ଖଣ୍ଡେ ଇଟା ଯୋଡି 

ସୁନ୍ଦର ମହଲ ଟିକୁ ଜୀବଦାନ ଦେଲାଭଳି 

ତମେ ଖଣ୍ଡେ ଖଣ୍ଡେ ଶବ୍ଦ ଯୋଡି 

ବାସ୍ତବକୁ ଜୀବଦାନ ଦେଇପାର , 

ପୁଣି କେବେ କେବେ ସେଇ ଶବ୍ଦ ସବୁକୁ ଯୋଡି 

ତୁମେ ତୁମ ଲେଖନୀ ମୁନରେ ଈଶ୍ୱରଙ୍କୁ ବି ମାରିପାର ।


ବାଃ

ସ୍ରଷ୍ଟା ତୁମେ ଚମତ୍କାର 

ଆଉ ତୁମ ଲେଖନୀ ସତରେ ଚମତ୍କାର ।


ବେଳେ ବେଳେ ତୁମ ଶବ୍ଦ ସଜାରେ 

ଓଠ ପାଲଟି ଯାଏ ହସରୂପୀ ଫୁଲ ମାନଙ୍କର 

ସୁନ୍ଦର ବଗିଚା ତ 

ଆଖି ପାଲଟି ଯାଏ ନିର୍ଝର ଝରଣା ,

ପୁଣି କେବେ କେବେ ମନ ହଜି ଯାଏ ତୁମ ଶବ୍ଦ ସହରରେ 

ହୃଦୟ ବି ଖୋଜି ପାଏନା ତା ପ୍ରକୃତ ଠିକଣା ,

କାରଣ ତୁମ ଶବ୍ଦ ଯେତିକି ସରଳ ସେତିକି ବି ଭୟଙ୍କର ।


ବାଃ

ସ୍ରଷ୍ଟା ତୁମେ ଚମତ୍କାର 

ଆଉ ତୁମ ଲେଖନୀ ସତରେ ଚମତ୍କାର ।


      


Rate this content
Log in