Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Pramod Pradhan

Others

5  

Pramod Pradhan

Others

ଅଢ଼େଇ ହାତର ଭୂମି

ଅଢ଼େଇ ହାତର ଭୂମି

1 min
19.4K


ଅଢ଼େଇ ହାତର ଭୂମି

 

ପ୍ରମୋଦ ପ୍ରଧାନ

 

ଉଠ କଙ୍କାଳ, ଜାଗ କଙ୍କାଳ

       ଏଇ ମାଟିର ମହକ ଚୁମି,

ଅୟୁତ ଯୁଗର ତୋ ଚର୍ମ ଖର୍ପର

       ମଟାଳକୁ ମର୍ମି ମର୍ମି !

 

କୋଟି ଅଶ୍ୱଖୁରା ବଳବୀର୍ଯ୍ୟ ଧରି

       ଗୁମୁରିଉଠୁ ତୋ ଅସ୍ଥି !

ଅସ୍ଥିମଜ୍ଜା ତୋର ନୁହେଁ ତ ଦୁର୍ବଳ

       ଅନଳ ବକ୍ଷର ଉର୍ମି ।

 

ପୌରୁଷ ଗର୍ଭରୁ ଔରସକୁ ଆଣି

       ପିଇଯା ପବନ-ପାଣି,

ତିଳ ତର୍ପଣରେ ସଜା ତୋ ଲଲାଟ

       ଆୟୁଷକୁ ବୁଣିବୁଣି !

 

ପାଖଣ୍ଡି ଜରାୟୁ ପାଟିରେ ଖାଇଯା

       କମିଆସୁ ବଂଶ ଆୟୁ,

ସ୍ନାୟୁ ଧମନୀକୁ ଦାନ୍ତରେ ବିଧ୍ୱଂସି

       ବିସ୍ତାରିଥା ସପ୍ତଫେଣୀ !

 

କୁଟିଳ କୌପିନ କାମନା-ବାସନା

       ଯେତେ ଅଛି ନଗ୍ନ ବହ୍ନି,

କାଳନାଗ ଫାଶେ ବାନ୍ଧିପକା ସବୁ

       ମରମକୁ ଚିହ୍ନିଚିହ୍ନି ।

 

ଚକ୍ରବାତ ସ୍ୱତ୍ୱ ଚିହ୍ନବର୍ଣ୍ଣ ଘେନି

       ଜାଳିଦେ ଚେତନା-ଗ୍ଲାନି,

ଦିବ୍ୟଚେତନାର ପରଶ ମାତ୍ରାରେ

       ବାଜିଉଠୁ ଶଙ୍ଖଧ୍ୱନି !

 

ଉଠ କଙ୍କାଳ, ଜାଗ କଙ୍କାଳ

       ଆଉ ରକ୍ତ ନଯାଉରେ ଥମି,

କ୍ରାନ୍ତିର ଦିହୁଡ଼ି-ତଳେ କମ୍ପିଉଠେ

       ଅଢ଼େଇ ହାତର ଭୂମି !

 

ଫ୍ରେଣ୍ଡସ୍ କଲୋନୀ, କଟକ

ଫୋନ : ୯୪୩୭୧୮୨୭୮୫

*****


Rate this content
Log in