ଅବ୍ୟକ୍ତଭାବନା
ଅବ୍ୟକ୍ତଭାବନା
ଅନେକ କିଛି ବାକି ରହେ ,
ସବୁ ତ ଜୀବନର ଅନ୍ଧାରି ଇଲାକାରେ,
ତଥାପି ଲେଖିବାକୁ ହୁଏ,
ହୃଦୟର ଆବେଗକୁ ମାପିବାକୁ ଇଛାହୁଏ,
କିଛି ମାପିହୁଏ,ତ
ଆଉ କିଛି ଦୂରକୁ ଦୂରକୁ ଦୂରେଇ ଯାଏ,
ଯାହାକୁ
ନା ଧରିହୁଏ,ନା
ଲେଖିହୁଏ।
ମନ ଆଉ ବିବେକ ର ଲଢେ଼ଇ,
ଇଚ୍ଛା ଆଉ ସ୍ଵପ୍ନର ଅଭିମାନ,
ବାସ୍ତବ ଆଉ ସତ୍ୟର ମୁହାଁମୁହିଁ,
ଜୀବନ ଥାଏ ଦୋମୁହାଁ ଛକରେ,
ହଁ ଆଉ ନାହିଁ ର ଦୋଛକିରେ,
ସବୁ ମୂଲ୍ୟହୀନ ହୋଇଯାଏ,
ଅଧ ପାଆନ୍ତାରେ,
ପାଇବାର ଆଶାରେ,
ହରେଇବାର ଦୁଃଖ,
କିଛି ପ୍ରକାଶ ପାଏ,
ଅନେକ କିଛି ଅପ୍ରକାଶିତ,
କିଛି ବ୍ୟକ୍ତ ହୁଏ,
ବହୁତ କିଛି ଅବ୍ୟକ୍ତ।
ସେଇ ଅବ୍ୟକ୍ତ ଭାବରେ
ଜିଇଁବାକୁ ହୁଏ
ସାରାଜୀବନ ।
ଶିକ୍ଷୟିତ୍ରୀ
ପ୍ରଣତି ମହାପାତ୍ର
ବାଲେଶ୍ଵର।