ନ
ନ
'ନ' ହିଁ ସ୍ରଷ୍ଟା 'ନ' ହିଁ ସୃଷ୍ଟି
ହେ ନୀଳାଚଳିଆ !
'ନ' ରେ ତୁ ଵିଦ୍ୟମାନ
'ନ' ତୋର ଅଭିମାନ ।
ସେଥିପାଇଁ ତ ନୀଳରଂଗରେ
ତୁ ପରିପୂର
ତୋ ନୀଳ ରଙ୍ଗର ନାହିଁ ତ ଉତ୍ତର ! ' ନ' ଅକ୍ଷରରେ ସୃଷ୍ଟି ତୋ ପିଣ୍ଡ ଵ୍ରହ୍ମର
ନ' ଅକ୍ଷରରେ ହିଁ ସମାହିତ
ତୋ' ଵିଶ୍ୱର ।
ସେଥିପାଇଁ ତ ତୋ 'ଧାମ 'ନୀଳାଚଳ'
ପତିତପାବନର ଶୋଭା 'ନୀଳଚକ୍ର'
ଦାଶିଆ ବାଉରୀର 'ନଡ଼ିଆ'ରେ
ତୋର ଆଦର ,
ଚାପ ଖେଳ ପାଇଁ ଲୋଡୁ ତୋର
ପ୍ରିୟ ପୋଖରୀ 'ନରେନ୍ଦ୍ର '
ଯାତ୍ରା ଭିତରେ ରଥଯାତ୍ରା
ସେ ତ ଜଗତେ ପ୍ରଚାର ;
ସେ ଯାତ୍ରା ବି ତ ନ' ଦିନର ।
ରଥ ତୋର 'ନନ୍ଦିଘୋଷ'
ବଡ଼ଦାଣ୍ଡେ ଗଲେ ଗଡ଼ି ....
ଦଶ ଦୋଷ ଛାଡ୍ ହୁଏ ପାପୀର ।
ମୁକ୍ତ ମନେ ,ମୁକ୍ତ କଣ୍ଠେ ,ମୁକ୍ତ ହାତେ
ଟେକି ଦେଲେ ଜହର ବି
ଆପଣାଛାଏଁ ବନିଯାଏ -
' ନୈବେଦ୍ୟ' ରେ ସାର।
ଵାରଵର୍ଷେ ହୁଏ ତୋର '
'ନବକଳେବର',
'ନବଧାଭକ୍ତି' ରେ ଦାସ ଟିଏ
ହୋଇଯାଉ ତୋ ପ୍ରିୟ ଭକ୍ତ ର
ନ' ଶୁଭ, ନ' ଶାନ୍ତ ,ନ'ଶୁଦ୍ଧ ,
ନ' ଵିଦ୍ଧି ,ନ' ରେ ପ୍ରାପ୍ତି
ନ' ରେ ବିଲୁପ୍ତି ,
ନ' ଅକ୍ଷର ଭାବର ।
ନ' ରେ ସୃଷ୍ଟି , ନ' ହିଁ ସ୍ରଷ୍ଟା
ତୁ ନିଷ୍ଠା -ଚେଷ୍ଟା -ପ୍ରତିଷ୍ଠା
ତୁ ସର୍ଵେସର୍ଵା ଏ ଜଗତର.....
ଧନ୍ୟ ଧନ୍ୟ ତୁ ସୁନ୍ଦର ବିନ୍ଧାଣି
ଏ ଧରାଧାମର ।
"""""""""""""""""""""""""""""""""""'''''''''""
ଶକ୍ତି ପ୍ରଦା ମହାପାତ୍ର
ଜି/୨ ,ରାଜା ବଗିଚା , ଲେବର୍-
କଲୋନୀ। ,କଟକ -୯