ନୂଆ ବରଷ
ନୂଆ ବରଷ
ଶୀତରେ ଧରି
ଘନ କୁହୁଡ଼ିର ରଥରେ ଚଢ଼ି
ଆସ ଆସ ତୁମେ ହେ ନୂଆ ବରଷ
ସାଥୀରେ ସାରଥୀ ସେ ଜାନୁଆରୀ ।
ସମୟ ସୁଅ
କିଏ ଅବା ତାକୁ ରୋଧିବ କୁହ
ସେହି ସମୟର ପ୍ରତିନିଧି ତୁମେ
ତୁମ ଆଗମନେ ରଖିଛୁ ଲୟ ।
କରୁ ସ୍ୱାଗତ
ଆମ ଗହଣରେ ଆସ ହେ ମିତ
ଆଗରେ ପଡ଼ିଛି ପଥ ବହୁଦୂର
ଚାଲିବା ମିଶାଇ ହାତରେ ହାତ ।
ଶପଥ ଆମ
ନୂଆ ମନ ନେଇ କରିବା କାମ
ଗଢ଼ିବା ଏ ଦେଶ ଗଢ଼ିବା ଏ ଜାତି
ହୋଇବ ଯେମିତି ସରଗ ସମ ।
ସାରା ବରଷ
ଭରିଯାଉ ଏଠି ପ୍ରଭୁ ଆଶୀଷ
ବିତିଯାଉ ଦିନ ବିତିଯାଉ ମାସ
ସବୁରି ମୁଖରେ ଥାଉ ହରଷ ।