ନାରୀ ଓ ସ୍ବଚ୍ଛତା
ନାରୀ ଓ ସ୍ବଚ୍ଛତା
କେଜାଣି କେମିତି
ଘର ଭିତରର ଅଳନ୍ଧୁ ଝାଡୁ ଝାଡୁ
ସିଏ ଡେଇଁଛି ଏରୁଣ୍ଡି ବନ୍ଧ
ସାଉଣ୍ଟିଛି ସାହାସ
ଉଠେଇବାକୁ ସ୍ଵଚ୍ଛତାର ବୋଝ
ଘରୁ ବାହାରୁ
ସମାଜରୁ ;
ହେ ନାରୀ ଶକ୍ତିମୟୀ
ତତେ ଶତ ପ୍ରଣିପାତ ।
ଦେଖୁଥାଉ ,
ସେ ଅନ୍ଧ ପୁରୁଷ ସମାଜ
ଆଉ ଶୁଣ ନାହିଁ
ଅର୍ଥନାହିଁ ମୂଲ୍ୟହୀନ ତାଚ୍ଛଲ୍ୟର ତାର ;
ବାଣ୍ଟିଛି ସେ ଆପଣାକୁ
ଦଳେ ଦଳେ ମଦ ମତେ ମେଳେ ମେଳେ
ହେଲେ ହୃଦୟେ ତା ସଦଭାବନା
ରହିଛିନା ସୁପ୍ତ ।
ହେ ନାରୀ
ହେ ଆଦିସୃଷ୍ଟି
କରିଛୁ ତୁ ଯେବେ ପଣ
ସମାଜକୁ ଦେଖାଇଦେ ପଥ
ଘରେ ଘରେ ବାଜିଉଠୁ
ସ୍ଵଚ୍ଛତାର ମନ୍ତ୍ର
ସ୍ଵଚ୍ଛ ହେଉ ମନ
ସ୍ଵଚ୍ଛ ହେଉ ପରିବେଶ
ହେଉ ଗ୍ରାମ ବାହ୍ୟ ମଳ ମୁକ୍ତ ।
ଶାରଦା ପ୍ରସାଦ ପରିଡା
ଅଧ୍ୟାପକ, ମେକାନିକାଲ ଇଂଜିନିୟରିଗଂ,
କୋଣାର୍କ ବିଜ୍ଞାନ ଏବଂ ବୈଷୟିକ ମହାବିଦ୍ୟାଳୟ , ଖୋର୍ଦ୍ଧା