Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ବି. ନିରୁପମା

Drama

5.0  

ବି. ନିରୁପମା

Drama

କା'ଘରୁ କରିଛୁ ଚୋରି

କା'ଘରୁ କରିଛୁ ଚୋରି

1 min
544



କଳାକାହ୍ନୁ ମୋତେ ହସୁଛୁ ଦେଖି ,

ମୁହଁରେ ଲହୁଣୀ ହୋଇଛୁ ମାଖି ।

କା'ଘରୁ କରିଛୁ ଚୋରି ;

ପଡ଼ିଗଲୁ ଏବେ ନଜରରେ ମୋର

ନେବି ରହ ହାତ ଧରି ।


ଅଭିଯୋଗ ଆମେ କରିଲେ ଯାଇ ,

ଯଶୋଦା ଜମାରୁ ଶୁଣନ୍ତି ନାହିଁ ।

ଓଲଟି ଦେଖାନ୍ତି ଆଖି ;

ପୁଅ ଗୁଣ ଆଜି ବଖାଣିବି ଆଗେ

ନିଜେ ଦେଇ ମୁହିଁ ସାକ୍ଷୀ ।


ବକଟେ ଛୁଆ ତୁ ବଡ଼ ଅଦ୍ଭୁତ ,

ଶିକାକୁ କେମିତି ପାଏ ତୋ ହାତ !!

ଦୁଧ,ଦହି,ସର ଆଣି ;

ସଖାଙ୍କ ମେଳରେ ବାଣ୍ଟି ଦେଉ ସବୁ

ଦେଖାଇ ମୁରବି ଠାଣି ।


ସହିଲୁଣି ତୋର ବହୁତ ଦାଉ ,

ତୋ କଅଁଳ କଥା ସେତିକି ଥାଉ ।

ଏ ନିରୀହ ପଣ ତଳେ ;

ଆଉ ଗୋଟେ ଛବି ଲୁଚିଅଛି ତୋର

ଦେଖେଇବି କଳେବଳେ ।


ସେଥରକ ଯେବେ ଚନ୍ଦ୍ରିକା ନେଲା,

ଯଶୋଦା ଆଗରେ ତା'ପୁଅ ଥିଲା ।

ଚାଲିଗଲୁ ତୁହି କେଣେ ;

ମୋ ବେଳକୁ ଯଦି ଏମିତି କରିବୁ

ହଟହଟା ହେବି ତେଣେ ।



Rate this content
Log in