ନିର୍ବାଣ
ନିର୍ବାଣ
1 min
6.8K
ଦେବଦତ୍ତ ମିଶ୍ର
କେଉଁଠି ସରିଛି ରାସ୍ତା
ଆଉ ବା କେତେ ଦୂର ବାକି ?
ମୁକ୍ତି ଆଉ କେଇ ପାଦ ,
ନିର୍ବାଣକୁ ଆଖି ପାଉଛି କି ?
ମୋହଭଙ୍ଗ ପାଇଁ
ଚାଲିବା ତ ନିହାତି ଜରୁରି
ସମୟକୁ ପଛ କରି
ନିର୍ଜୀବକୁ କାନ୍ଧେ ଧରି
ମୁଠାଏ ସୋରିଷ ଆଶାରେ
କିଛି ନ ପାଇବାରେ ଆନନ୍ଦ
ପ୍ରାପ୍ତିର କାମନା ତ ସୁଖ
ପାଇଲେ ତ ଖେଳ ସରିଯାଏ l
ବୋଧହୁଏ ନିର୍ମାଣ ପ୍ରାପ୍ତିର ଆଶା
ଗୋଟେ କାମନା
ସେ କାମନାର ବିନାଶ କାହିଁ ଯେ
ମୋକ୍ଷର ସନ୍ଧାନ କରିବ !
ଏ ଚାଲିବା ଜାରି ରହୁ
ଜୀବ କଙ୍କାଳ ପାଲଟିବା ଯାଏ
ଆପେ ସରିଯିବ
ଜୀବନର ପଥ l
ଫିଟିଯିବ ମୁକ୍ତି ପାଇଁ ବାଟ
ତାପରେ ଖାଲି ଯାହା
ନିର୍ବାଣ ! ନିର୍ବାଣ ! ନିର୍ବାଣ !