Quotes New

Audio

Forum

Read

Contests


Write

Sign in
Wohoo!,
Dear user,
ପତିତରକ୍ଷଣ
ପତିତରକ୍ଷଣ
★★★★★

© Prasanna Kumar Madala

Inspirational

1 Minutes   7.1K    13


Content Ranking


ପଶିଲି ଶରଣ ତୁମ୍ଭରି ଚରଣ

ତଳେ ହେ ନକର ବାରଣ

ତୁମ୍ଭେ କି ଅଜଣା ସହିଲି ଗଞ୍ଜଣା

ଅଧମେ କର ହେ ତାରଣ ।

ଏ ଜୀବନ ପରା ହାହାକାର ଭରା

ଛଟପଟ ମରୁ ବାଲିରେ

ରଖ ଆହେ ସାଇଁ ଅବାଟରେ ଯାଇ

ଥକିଲି ବିଷମ ଚାଲିରେ ।

ପତିତଙ୍କ ସବୁ କ୍ଷେମ ପାଇଁ ପ୍ରଭୁ

ଶଙ୍ଖଚକ୍ର କଲ ଧାରଣ

ଗଜୋଦ୍ଧାର ପରି ମୋର ହାତ ଧରି

ରଖିବାରେ ହୁଅ କାରଣ ।

ସତ୍ୟ ଧର୍ମ ପଥେ ଚଳିବାକୁ ସତେ

କରିଲି ଯେତେକ ଯତନ

ଜୀବନ ସଂଗ୍ରାମେ ହାରି ନିଜ ଗ୍ରାମେ

ତଳକୁ ହେଲା ମୋ ପତନ ।

କର ହେ ଉଦ୍ଧାର ବହେ ଲୁହ ଧାର

ସହି ଏ ଜଞ୍ଜାଳ ଦଂଶନ

ଥାଉଁ ଏତେ ଭାରା ଜୀବନଟା ସାରା

କେତେ ଦେଉଥିବ କଷଣ ?

ଦୁଃଖୀ ଦୁଃଖହାରୀ ନିଳାଦ୍ରିବିହାରୀ

ତୁମ୍ଭେ ତ ଜଗତ ଆଧାର

ଅନ୍ତର୍ଯ୍ୟାମୀ ବୋଲି କହୁନାହିଁ ଖୋଲି

ପ୍ରତିକଥା ପ୍ରାଣ ବାଧାର ।

ତୁମ୍ଭେ ଜଗନ୍ନାଥ ଥାଉଁ ମୁଁ ଅନାଥ

ହେଲେ କି ରହିବ କୀରତି

ପତିତ ରକ୍ଷଣ ଦିଅ ହେ ତକ୍ଷଣ

ଏ ମିଛମାୟାରୁ ବିରତି ।



ପ୍ରସନ୍ନ କୁମାର ମାଦଳା

ଘର ନଂ - ଏଫ୍ / ୧୩

ସେକ୍ଟର - ୪

ରାଉରକେଲା - ୭୬୯୦୦୨

ଦୂରଭାଷ - ୭୯୭୮୧୯୨୨୨୭

ଦୁଃଖୀ ଜୀବନ ଲୁହ

Rate the content


Originality
Flow
Language
Cover design

Comments

Post

Some text some message..