ବିଜନ ବେଳାର ପ୍ରିୟା

ବିକର୍ଣ୍ଣ ହୋଇ ତୁ ଦୂରେ ଚାଲିଗଲୁ

ବିକଚ ପ୍ରେମକୁ ଦଳି,

ବିଜନ ବେଳାରେ ହୃଦୟରେ ମୋର

ବିରାଜି ଖେଳୁଛୁ ଦୋଳି ।

ବିକିର ମନ ମୋ ଉଡୁଥିଲା ଦିନେ

ବିମଳ ପ୍ରେମ ପରଶେ,

ବିକ୍ରମ ହରାଇ କାନ୍ଦୁଅଛି ଆଜି

ବିଜିତ ବୋଲି ବିରସେ ।

ବିଲୁପ୍ତ ପ୍ରେମର ସ୍ମୃତି ଦାଉ ସାଧେ

ବିଘୋଡ କାୟା ବିସ୍ତାରି,

ବିଚାଲି ସମ ମୋ ତନୁ ହୋଇଲାଣି

ବିଦ୍ରୁପ ସହି ନପାରି ।

ବିନିଗଡ ମୋର ଜୀବନେ କାହିଁକି

ବିନିବେଶ କଲୁ ପ୍ରିୟା ?

ବିପ୍ରବୃଦ୍ଧ ମୋର ନୟନ ହୋଇଲା

ବିଲୁଭିତ ହୁଏ କାୟା ।