ମାଆ ଅଟେ ମମତାମୟୀ
ମାଆ ଅଟେ ମମତାମୟୀ
ମମତାମୟୀ ମାଆ ଲୋ ତୁହି
କରୁଣାମୟୀ ମାଆ ...
ସବୁ ବିପଦ ଝଡଝଞ୍ଜାରେ
ତୁହି ତ ଏକା ସାହା ||
ପଣତ ତୋର ସୁରକ୍ଷା ଘର
ତା ତଳେ ଗଲେ ଲୁଚି...
ପବନ ଅବା ବତାସ କେହି
ପାଇବେ ନାହିଁ ଖୋଜି ||
ତୋ ଓଠ ହସ ମଧୁ ଠୁ ମିଠା
କେହି ନୁହେଁ ତା ସରି...
ହୃଦୟ ତୋର ଅତି ବିଶାଳ
ଧୈର୍ଯ୍ୟ ବସୁଧା ପରି ||
ଜନମ ଦେଲୁ ଉଦର ଚିରି
ମୂଲ ମାଗିଲୁ ନାହିଁ ...
ଛାତିକୁ ଚିରି ଅମୃତ ଦେଲୁ
ଋଣୀ ମୁଁ ତୋ ପାଇଁ ||
ସହିଲୁ ସବୁ ଅଳି ଅଝଟ
ପିଲାବେଳର ତୁହି ...
ମଣିଷ ପରି ମଣିଷ କଲୁ
ତତେ ଭୁଲିବି ନାହିଁ ||