ଅଦନ୍ତା

ନିକୁଞ୍ଜେ କୁଞ୍ଜରୀ   ମଞ୍ଜୁଳ ମଞ୍ଜରି

    ଆହ୍ଲାଦେ ଭରଇ ତୁଣ୍ଡେ

ମାତାଲ ମାତଙ୍ଗ   ଅମଙ୍ଗେ ଅନଙ୍ଗ

    ଆଶ୍ଳେଷି ଭିଡଇ ଶୁଣ୍ଢେ ।

ଦର୍ଶନ ନକରେ     ଦଶନ ନିକରେ

    ଦୁର୍ବହ ଦେହ ସେ ପୀନ

ଭାବରେ ଭାବିନୀ   ସୁଭଙ୍ଗୀ ଭାବିନି

     ଭାବୀ ଶିଶୁ ଦନ୍ତହୀନ ।

( ଶବ୍ଦାର୍ଥ :- ନିକୁଞ୍ଜ -ଲତା କୁଞ୍ଜ , କୁଞ୍ଜରୀ - ହସ୍ତିନୀ , ମଞ୍ଜୁଳ - ମନୋହର , ମଞ୍ଜରି - ମୁକୁଳ , ମାତଙ୍ଗ - ହସ୍ତୀ , ଅନଙ୍ଗ - କନ୍ଦର୍ପ , ଦଶନ - ଦାନ୍ତ , ନିକରେ - ସମୂହେ ,ଦୁର୍ବହ - ଯାହା ବହନ କରିବା ଦୁଃସାଧ୍ୟ , ପୀନ - ପୃଥୁଳ ,ଭାବିନୀ - କାମିନୀ , ଭାବିନି - ଭାବି ନାହିଁ , ଭାବୀ - ଆଗାମୀ )

     ପ୍ରସନ୍ନ କୁମାର ମାଦଳା

#Positiveindia