ସମୟ ଅଟେ ବଳବାନ
ସମୟ ଅଟେ ବଳବାନ
ସମୟ ଅଟଇ ବଡ ବଳବାନ
ନିରନ୍ତର ଗତି ତାର
ତା' ସାଙ୍ଗରେ ପାଦ ଯିଏ ନ ମିଳାଏ
ହୁଅଇ ତାହାର ହାର ।
ନିର୍ବିକାର ଘଡି ଟିକ୍ ଟିକ୍ କରି
କରି ଚାଲେ କାମ ତାର
ସମୟକୁ ଦେଖି କାମ ପୁରା କର
ସମସ୍ତେ ନିଜ ନିଜର ।
କାହାର ହାତର କଣ୍ଢେଇ ନୁହେଁ
ସେ ନିଜେ ଅଟେ ବଳବାନ
ତାକୁ ନମାନିଲେ ଅପଚୟ କଲେ
ନର ହୁଏ ହୀନିମାନ ।
କାମ ବେଳେ କାମ ଖେଳ ବେଳେ ଖେଳ
ମାନିକରି ଯିଏ ଚଳେ
ସମୟାନୁସାରେ ପେଟକୁ ଖାଇଲେ
ରୋଗ ଦୂର ହୁଏ ବଳେ ।
ସମୟାନୁବର୍ତ୍ତୀ ହୋଇଲେ ମନୁଷ୍ୟ
ଲଭିପାରେ ସଫଳତା
ସମୟକୁ ନଷ୍ଟ କରଇ ଯେ ଜନ
ଲଭେ ସଦା ବିଫଳତା ।