Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Abhakanta None

Inspirational Others

3  

Abhakanta None

Inspirational Others

ହେ ବନ୍ଧୁ !

ହେ ବନ୍ଧୁ !

1 min
6.7K


 ଯେବେ ମରିଯିବି ସେ ଖବର ପାଇ

" ଆତ୍ମା ଶାନ୍ତି ପାଉ '' ଲେଖିଦେବ

ଆମ ସମ୍ପର୍କେ ବିଚାରି କହିଲ

ଏତିକିରେ ସବୁ ସାରି ଦେବ ? -୦-

ତୁମେ ଦେଇଅଛ ଅସରନ୍ତି ଖୁସି

ଗ୍ରହଣି ମୁଁ ଦେଲି ଧନ୍ୟବାଦ

ତୁମକୁ ବିଭୋରେ ବାଣ୍ଟିଛି ସାମର୍ଥ୍ୟେ

ଯାହା ଉଇଁଲା ମୋ ହୃଦେ ପଦ୍ୟ

ସେଇ ବନ୍ଧୁତ୍ଵର ଦ୍ଵାହିରେ ଗୁହାରେ

ବନ୍ଧୁତ୍ଵ ମୂଲ୍ୟ କି ଏହା ହେବ ?-୧-

ଉଦିତକୁ ବନ୍ଧୁ ଉଚିତେ ବିଚାର

ମଣିଷ ଜନମ ପରିପ୍ରେକ୍ଷେ

ମନୁଷ୍ୟ-ଯୋନିର ବିନା ଏ ବିଚାର

ଅନ୍ୟ ସୃଷ୍ଟେ କେବେ ନାହିଁ ଦେଖେ

ବିଚାରିବ ନାହିଁ ଯଦି ହେ କେମିତି

କହିବି ବନ୍ଧୁତ୍ଵେ ରଖ ଭାବ ?-୨-

ମୋ ଦେବାଟା ତୁମ ଗ୍ରହଣୀୟ ଜାଣି

ପାଣି ପାଣି ହେଲି ବହୁ ବାର

ସାର୍ଥକ ହେଲି ମୁଁ ତୁମ ପାଇଁ ବନ୍ଧୁ

ମାନୁଛି ଏ ଭାଗ୍ୟ ଅଟେ ମୋର

ତୁମରି ବନ୍ଧୁତ୍ଵ ସାଇତିଛି ବନ୍ଧୁ

ସେଇ ମୋ ବଞ୍ଚିବା ବଇଭବ -୩-

ବିନୀତ ଭାବେ ମୁଁ ଜନମିଛି ବନ୍ଧୁ !

ବିନୀତ ମୁଁ ତୁମ ଭାବଧାରାରେ

ମୁଁ ସିନା ଦେଉଛି ମୋ ଲେଖାରେ ଭାବ

ତୁମେ ତା ପ୍ରଚାର ବହୁ ଧାରେ

ତୁମେ ମୋ ଲେଖନୀ ଆଶାର ସମ୍ବଳ

ତୁମେ ହିଁ ଲେଖନୀ ଗଉରବ -୪-


Rate this content
Log in