ବିପଦ
ବିପଦ
1 min
6.5K
ବିପଦକୁ ଦେଖି ଡରିଯାଅ ଯେତେ
ଭାବନି ବିପଦ ଆସିବ ନାହିଁ
ବିପଦ ଭୟରେ ଯେମିତି ବି ଲୁଚ
ବିପଦ ନ ଯିବ କେବେ ପଳାଇ
ବିପଦ ତୁମର ମିତ ନୁହେଁ ଯିଏ
ପୋଛି ଦେବ ତୁମ ଆଖିର ଲୁହ
ବିପଦ ଏମିତି ନିର୍ମମ ଭଗାରୀ
ଅନ୍ତରରେ ଖାଲି ଆଣିବ କୋହ
ଯେ ଯେତେ ଡରିବ ସେ ସେତେ ମରିବ
ଏ କଥା ଅକ୍ଷରେ ଅକ୍ଷରେ ସତ
ବିପଦ ସମୟେ ଧୈର୍ଯ୍ୟ ଓ ସାହସ
ସର୍ବ ଶ୍ରେଷ୍ଠ ଅସ୍ତ୍ର ବୁଝିବ ମିତ
ଆତ୍ମୀୟ ସ୍ୱଜନ ବନ୍ଧୁ ପରିଜନ
ସେ କାଳରେ ବଳ ଥାଆନ୍ତି ଦେଇ
ସେତିକି ଅଭାବ ଯାହା ପାଇଁ ହେଲା
ବିପଦ ଅଗ୍ନିରେ ଜଳି ମରଇ
ଚିତ୍ତ ରଞ୍ଜନ ଲେଙ୍କା (କଟକ) ©