ଚକ୍ରବ୍ଯୁହରେ ପ୍ରେମିକା - ୩
ଚକ୍ରବ୍ଯୁହରେ ପ୍ରେମିକା - ୩
କେମିତି ଏତେ ନିଷ୍ଠୁର
ତମେ ହୋଇପାର ?
ଜଣଙ୍କ ଲୁହ କେବଳ
ଗୁରୁତ୍ବ ପାଇବ,
ଆଉ ଜଣଙ୍କ ଲୁହ କଣ
କେବଳ ନିରୋଳା ପାଣି ?
ମନେ ପକାଇଲେ
ଦୁଶୁଛି ଖାଲି
ଗୁଡେ ବିଶ୍ୱାସଘାତକତା l
ଭଲ କଣ ଆଉ କିଛି ବି
ମନରେ ନାହିଁ l
ଏତେ ଅପମାନ କେବେ
କେହି ବି କରିନାହାନ୍ତି l
ତମେ ମୋ ମାନ କି
ମନ କିଛି ବି ରଖିଲନି l
ଏବେ ତ ମୋ କ୍ଷତ
ସେମିତି ସତେଜ ରହିଛନ୍ତି l
ଅଉ କିଛି କହିବାର ନାହିଁ,
ଏ କଷ୍ଟ ବି ଲିଭିବାର ନାହିଁ l
ତମ ଭଲପାଇବାଠାରୁ
ତମ ଘୃଣା ଓ ବିରକ୍ତି
ସତରେ ଖୁବ୍ ତୀବ୍ର l
ଆଉ କଣ ସେ ସ୍ଥିତି ଅଛି ?
ଆଖିମୁଦି ଭରଷା କରୁଥିଲି,
ଯାହା କହୁଥିଲ ସବୁକୁ
ବେଦବାକ୍ୟ ବୋଲି ଭାବୁଥିଲି l
ଏମିତି କେମିତି
ମୋ ସରଳ ମନରେ
ନିଆଁ ଲଗାଇ ପୋଡିବାକୁ
ଛାଡିଦେଇ ପାରିଲ ?
ଏବେ ତ କିଛି ନାହିଁ ସେଠି,
ଖାଲି ବିଶ୍ୱାସ ଘାତକତା
ସହି ସହି ସୃଷ୍ଟି ହୋଇଛି
ବୃହତ୍ ଦୃଣଟିଏ ସେଠି l
ଏମିତି ବାରମ୍ବାର ଭାଙ୍ଗନା
ସେଇ ସୁନ୍ଦର ମନଟିକୁ,
ହୁଏତ ହଜିଯିବ କିଛି
ସବୁଦିନ ପାଇଁ l
************************
ପ୍ରଶାନ୍ତ କୁମାର ବେହେରା
ଅଧ୍ଯାପକ , ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,
ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬