ସେଦିନ ଦୀପକ ଗାଇଲାବେଳକୁ

ସେଦିନ ଦୀପକ ଗାଇଲାବେଳକୁ

 

ଆଭାକାନ୍ତ ମହାନ୍ତି

 

ସେଦିନ ଦୀପକ ଗାଇଲାବେଳକୁ

       ବହେ ବସନ୍ତ ବହାର

ଆଜି କାମୋଦି କି ଚୋଖି, ଭଇରବୀ

       ସାଜୁଛି ମେଘମହ୍ଲାର । ୦ ।

 

ଫୁଟିଯାଉଥିଲା ଫୁଲ ଚଉଦିଗେ

ଶୁଣୁଥିଲି ଗୀତ ଗାଇଲେ ବିହଙ୍ଗେ

ମଳୟ ମାତିଲେ ମନ ମତାଣିଆ

ଦୃଷ୍ଟି ଦୁଷ୍ଟ ହୁଏ ଇନ୍ଦ୍ରଧନୁ ରଙ୍ଗେ

ତୁମେ ଥିଲ ବୋଲି ମୋ ଭାବନା ସାରା

       ମତିକୁ କରି ବିଭୋର । ୧ ।

 

ଫୁଟୁନାହିଁ ଆଜି ଫୁଲ ଉପବନେ

ଗାଉନାହିଁ ଗୀତ ବିହଙ୍ଗ ବିତାନେ

ବହୁନି ଆଉ ଗୋ ଭିନିଭିନି ଗନ୍ଧ

ନିରାଶା ଛାଇଛି ଆଜି ହୃଦ-ବନେ

ତୁମେ ଯେବୁ ହେଲ ପ୍ରଜାପତିଟିଏ

       ଅମୃତ ହୁଏ ଜହର । ୨ ।

 

ନୂଆସାହି, ବିଡ଼ାନାସୀ, କଟକ-୭୫୩୦୧୪

ଫୋନ୍-୯୦୪୦୦୦୩୧୦୧

*****