ଧନ ଓ ଜ୍ଞାନ
ଧନ ଓ ଜ୍ଞାନ
ପିଲେ ପଚାରିଲେ ଗୁରୁକୁ ଆଜି
ଜ୍ଞାନ ବଡ ନା ଧନ ?
ଗୁରୁ କହିଲେ ପିଲାଙ୍କୁ ତାଙ୍କର
ମନ ଦେଇଟି ଶୁଣ ॥
ଧନ ପାଇଁ ହୁଏ ମାନହାନୀ
ସଂପର୍କ ହୁଏ ତିକ୍ତ
ଜ୍ଞାନ ପାଇଁ ଦାନବ ଓ ଦେବତା
ହୁଅନ୍ତି ସଦା ଶକ୍ତ ॥
ଜ୍ଞାନ ବାଣ୍ଟୁଥିଲେ ବଢିବ ନିତି
ଜନ କରିବେ ପ୍ରଶଂସା
ଧନ ବାଣ୍ଟିଦେଲେ ସରିବା ସତ
ହେବ ପୁଣି ଲୋକହସା ॥
ଜନ ଲୋଡିବେ ଯେବେ ଧନ
ବିପଦ ଆସିବା ନିଶ୍ଚୟ
ଜ୍ଞାନ ବଢିଲେ ଲୋକଙ୍କର
ଧର୍ମରେ ରଖିବେ ଲୟ ॥
ମଲାବେଳେ ସାଥେ ଧନକୁ
ନେବାନାହିଁ କେହି ଜାଣ
ଜ୍ଞାନ ବିତରିଲେ ଜାଣିଥା
ଝୁରିବ ସଭିଙ୍କ ମନ ॥
ବିଦ୍ୟା ଅଟଇ ମହାଧନ
କରବନି ତାକୁ ହେଳା
ଶିକ୍ଷାକୁ ଲକ୍ଷ୍ୟରେ ରଖିଲେ
ବୁଡିବନି ଜମା ଭେଳା ॥
ତଉଲିରେ ଯେବେ ତୋଳିବା
ଜ୍ଞାନ ହିଁ ହେବ ଭାରୀ
ଧନ ହେବ ଯେ ନିମ୍ନଗାମୀ
ଯିବ ସେ ଚିରି ସରି ॥
ଶିକ୍ଷାକୁ ଦିଅ ଅଗ୍ରୀମ ଜନ
ଦୁଃଖରୁ କରିବ ପାର
ଧନକୁ କରିଲେ ଲୋଭ ଜାଣ
ଜୀବନ ମୂଲ ଅସାର ॥