କିଏ ଜାଣିଥିଲା

ଗହୀର ବିଲରେ ଧାନ ଫୁଲ ଖୋଜି

ମୁଣ୍ଡରେ ରଙ୍ଗ ମାଖିଲା ବେଳେ

ପବନ ସାଥୀରେ ଦିନଗୁଡାକ ବି ଉଡିଯିବ

ଏକଥା କିଏ ଜାଣିଥିଲା ?

'

ଶୀତର କାକର ଦେଖି ଘାସଫୁଲରେ

ନିଜପାଇଁ ସ୍ବପ୍ନଟିଏ ଆଙ୍କିଲା ବେଳକୁ

କାକର ଭଳି ସ୍ବପ୍ନ ବି ମିଳେଇ ଯିବ

ଏକଥା କିଏ ତ କହି ନଥିଲା ।

ଦିଗନ୍ତର ସୀମା ଡେଇଁ

ସୂର୍ଯ୍ୟ ଯେବେ ଡାକୁଥାଏ କଅଁଳ କିରଣ ମେଲି

ଏସବୁ ଅଳିକ ବୋଲି

ମନକୁ ତ କେବେ ବି ଛୁଇଁ ନଥିଲା ।

ହଁ ନୂଆ ନୂଆ ଦିଶୁଥିବା

ପରିଚିତ ପୃଥିବୀଟା କେବଳ ଚିପୁଡି ନିଏ

ନିଜ ଆବଶ୍ୟକତାର ସତ୍ତାଟିକକ

ଆଉ ପଡି ରହିବ

ତୁଛା ହିସାବ ନିକାଶ କରୁଥିବା

ଜୀବନଟେ ବୋଲି କିଏ ଜାଣିଥିଲା ।