କହିବାକୁ ଲାଗେ ଲାଜ

ମନରେ ଭକତି ଥାଉ କି ନଥାଉ

ମନ୍ଦିର ନଥିଲେ ବୁଡ଼ିବ ଭେଳା

ଘରେ ଦାନା କନା ଥାଉ କି ନଥାଉ

ଦାନ କରି ପୁଣ୍ୟ ପାଇଲେ ହେଲା l

ଦେଶର ଗୌରବ ଭାସିଯାଉ ପଛେ

ନିଜ ସ୍ୱାର୍ଥ ଖାଲି ପୂରଣ ହେଉ

ଭୋକରେ ଦୁଃଖରେ ମରନ୍ତୁ ସମସ୍ତେ

ଚୋରୀ, ଲୋଭୀ ହୋଇ ଜୀବନ ଯାଉ l

ସମସ୍ତେ କରନ୍ତୁ ଘୃଣା ପଛେ ମୋତେ

କପଟ କରିବି ସାରା ଜୀବନ

ସ୍ୱାର୍ଥପର ହୋଇ ଦେଶଦ୍ରୋହୀ ହେବି

ବିଷ ଭାବନାରେ ଥାଉ ମୋ ମନ l

ମନରେ ଶରଧା ଥାଉ କି ନଥାଉ

ମିଠା କଥା କହି କିଣିବି ମନ

ସୁବିଧା ପାଇଲେ ସୁଯୋଗ ଦେଖିକି

ନିଜ ଭଲ ପାଇଁ ନେବି ଜୀବନ l