Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Inspirational Abstract Others

2  

Prasanna Kumar Madala

Inspirational Abstract Others

ଭଗିଆ ବୋଉ

ଭଗିଆ ବୋଉ

1 min
6.7K


ଭଗିଆ ବୋଉ ଲୋ ଭଗିଆ ବୋଉ

ଏମିତି ସରାଗ କେମିତି ଥୋଉ ।

ସୂତା ଖିଅକରେ ସମ୍ପର୍କ ଡୋରି

ସହଳ ବାନ୍ଧିଲୁ ଆଣ୍ଟରେ ଗୋରୀ ।

ଚନ୍ଦ୍ରବଦନୀ ଲୋ ପାଖରେ ବସି

ହସି ଦେ ସରାଗେ ଆଦରେ ରସି ।

ଦେଖିଦେଲେ ତୋର ପଦୁଅଁ ମୁଖ

ଘୁଞ୍ଚିଯାଏ ମୋର ଯେତେକ ଦୁଃଖ ।

ଦଶ ଦିଗପାଳେ ଅନଳେ ସାକ୍ଷୀ

ରଖି ବାହା ହୋଇ ଆଣିଲି ଡାକି ।

ତୁମ ନଈପଠା ପୋଖରୀ କଇଁ

ଆମ ଗାଆଁ ଜହ୍ନ ଛୁଇଁଲା ନଇଁ ।

ଆମ ତାଳବଣ ତୁମ ଗାଁ ଖଳା

ଦିଶିବ ଆଖିକି ଖୋଲିଲେ ଜଳା ।

ଚାରିଦିଗେ ଦେଖ ମିଳନ ରାଗ

ସାଧାରଣ ନୁହେଁ ବିବାହ ଯାଗ ।

ଚଗଲା ଫଗୁଣେ ପ୍ରୀତି ପରଶ

ମୁଠାଏ ଅବିରେ ବୋଳେ ହରଷ ।

ନୁଆଁଣିଆ ଆମ ଏ ଚାଳ ଘରେ

ଉଆସର ସୁଖ ତୋ ପାଇଁ ଭରେ ।

ସାତସିଆଁ ଶାଢ଼ୀ ଭିତରୁ ତୋର

ରୂପରେ ଲାଗୁଛୁ ପରୀଟେ ମୋର ।

ତୋହର ପଣତେ ମୁହଁକୁ ପୋଛି

ଧାଏଁ ମୁଁ ବିଲକୁ ବଳଦ ଯୋଚି ।

ତୋର ହାତରନ୍ଧା ଶାଗ ପଖାଳେ

ପେଟ ମୋ ପୂରଇ ସଞ୍ଜ ସକାଳେ ।

ଶସ୍ତା ଟିକିଲି ଓ ସରୁ ପାନିଆଁ

ଖୁସିରେ ଦେଖିକି ହେଲୁ ଛାନିଆଁ ।

ଫୁଟିଛି ତୋ ଓଠେ ହସ ଲହରୀ

ଲାଗିଲୁଣି ଏବେ ଟିକେ ସହରୀ ।

ଛିଣ୍ଡା ମଶିଣା ତୋ ଶିମିଳି ଶଯ୍ୟା

ଏକଥା ଭାବିଲେ ଲାଗୁଛି ଲଜ୍ଜା ।

ବାହୁରେ ବାନ୍ଧିଲୁ ସୁଦଶା ବ୍ରତ

ସିନ୍ଦୂର ଟୋପାରେ ନିବିଡ଼ ସତ ।

ପ୍ରସନ୍ନ କୁମାର ମାଦଳା


Rate this content
Log in