ଚାଲବାଜି
ଚାଲବାଜି
ପରିବା ବସ୍ତାକୁ ରାସ୍ତାରେ ଫିଙ୍ଗିବେ
କମିଗଲେ ଟିକେ ଦର
ବଢିଗଲେ ପୁଣି ବେକରେ ପଡିବ
ପିଆଜ ଟମାଟ ହାର (1)
କ୍ଷୀରବାଲା ସାଜି ରାସ୍ତାରେ ଢାଳିବେ
ହଜାର ଲିଟର କ୍ଷୀର
ଶିକ୍ଷକ ବାପୁଡା ମରିଗଲେ କିନ୍ତୁ
ଫିଟିବନି ପଦେ ସ୍ୱର (2)
ଯେତେ ରାଜନୀତି କରନ୍ତି ଏ ଭଳି
ଅଧିକାଂଶ ଟାଉଟର
ଜଣେ ହେଲେ କେହି ଖେତି କରନ୍ତିନି
ଗାଈ ରଖିବା ତ ଦୂର (3)
ଗଉଡ ଢାଳେନି ଗାଈ କ୍ଷୀର କେବେ
ପରିବା ଫିଙ୍ଗେନି ଚାଷୀ
ରାଜନୀତିଆଙ୍କ ଚାଲବାଜି ସବୁ
ଚାଲେ ଅଙ୍କ କଷା କଷି (4)