ଭୟ
ଭୟ
ଭୟ ଗ୍ରାସିଅଛି ସାରା ପୃଥିବୀକୁ
ମୃତ୍ୟୁର ରୂପ ନେଇ
ମଣିଷ ସମାଜ ଧ୍ୱଂସ ପାଇଯିବ
ନିସ୍ତାର ଏଥିରୁ ନାହିଁ ।
ନିଶା ଦ୍ରବ୍ୟ, ଆତ୍ମହତ୍ୟା, ଯୁଦ୍ଧର ଭୟେ
ସାରା ପୃଥିବୀ ଥରୁଛି
ଯୌନ ଭିକ୍ଷୁଙ୍କ ଉପଦ୍ରଵରେ
ବସୁଧା ମାଆ କାନ୍ଦୁଛି ।
ପ୍ରକୃତି ତାଣ୍ଡବ ଅନ୍ୟ ଏକ ଭୟ
ମୃତ୍ୟୁର ଯମଦୂତ
ସାରା ବିଶ୍ୱର ନିଦ ହଜାଇ
କରୁଛି ବଡ ଉତ୍ପାତ ।
ରାଗ ଇର୍ଷା ଦ୍ୱେଷ 'କୋକୁଆ' ହୋଇଣ
ସଭିଙ୍କ ରକ୍ତରେ ପଶି
ରକ୍ତ ଜିଭ କାଡି ଗୋଡାଉ ଅଛନ୍ତି
ମୃତ୍ୟୁ ରୂପରେ ଆସି ।
ସ୍ୱାର୍ଥର ଭୟ ବଡ଼ ସାଙ୍ଘାତିକ
ମାନୁନି ବଡ ସାନ
ପରିବାରରେ କଳହ ଲଗାଇ
କରୁଛି ଖିନଭିନ ।
ଲୋଭର ଭୟ ସମସ୍ତଙ୍କୁ ଗ୍ରାସୀ
ହାଣ କାଟ କରାଉଛି
ସ୍ନେହ ପ୍ରେମକୁ ଖଣ୍ଡଖଣ୍ଡ କରି
ରକ୍ତ ନଦୀ ବୁହାଉଛି ।
ଅଧର୍ମ ରାଜ୍ୟରେ ଧର୍ମର ଭୟ
ସଭିଙ୍କ ମନରେ ଅଛି
ସେଥିପାଇଁ ପରା ସୁନ୍ଦର ସୃଷ୍ଟି
ସୁରକ୍ଷିତ ରହିଅଛି ।