ମୁଁ ଓଡିଆ ମୋର ଭାଷା ଓଡିଆ
ମୁଁ ଓଡିଆ ମୋର ଭାଷା ଓଡିଆ
1 min
6.7K
ମୁଁ ଓଡ଼ିଆ ମୋର ଭାଷା ଓଡ଼ିଆ
ହୃଦୟ ମୋହର ଭାରି ବଢିଆ ।
ଟାଣ ଖରା ହେଉ ଅବା
ହେଉ ମହାବାତ୍ୟା
ସହିଛି ସହିବି ମୁହିଁ
ଅଟଇ ଅଗତ୍ୟା ।
ଅଳପରେ ଖୁସି ଯେଣୁ
ଆଶା ନାହିଁ ବେଶି
ଅରୁଆ ଡାଲମା ପାଇ
ଭୋକ ଯାଏ ନାଶି ।
ସପନ ମୋହର ଛୋଟ
ବଡ ମୋର ମନ
ଇନ୍ଦିରା ଆବାସ ପାଇ
ହୁଅଇ ଉଚ୍ଛନ୍ନ ।
ରସଗୋଲା ତୋର ହେଉ
ପଖାଳ ତ ମୋର
ଶତ ଚେଷ୍ଟା କରି ମଧ୍ୟ
ହେବନି କାହାର ।
ସମର୍ପଣ ଭାବ ଅଛି
ଓଡ଼ିଆଙ୍କ ପାଶେ
ରାଜନେତା ରାଜନୀତି
କରନ୍ତି ହରଷେ ।
ମୁଁ ଓଡ଼ିଆ ମୋର ଭାଷା ଓଡ଼ିଆ
ହୃଦୟ ମୋହର ଭାରି ବଢିଆ ।।
.......ପଦ୍ମାଳୟା