ଲଗ୍ସି ମକେ ବନେ
ଲଗ୍ସି ମକେ ବନେ
1 min
244
ଇ ମାଏଟର୍ ପାଏନ୍
ବୁହି ଜାଉଛେ ଜୀବନେ
ମାଆ ମାଏଟ୍ ହୋ
ଲାଗ୍ସି ମକେ ବନେ ।
ଘମ୍ ଘମ୍ ଝାଲ୍ ବୁହି ଜାଉଥିଲେ
ପୁଛି ହେସିଁ ଛନେ
ଇ ଫଟା ପନତ୍ କାନି
ଲାଗ୍ସି ମକେ ବନେ ।
ମାଆ କୁଲେ ଥିଲେ ମୁଇ
ଦୁଖ୍ ଜଞ୍ଜାଲ୍ ନେଇ ଜାନେ
ପୋ ପୋ ବୋଲି ଡାକ୍ଲେ
ଲାଗ୍ସି ମକେ ବନେ ।
ଝର୍ ଝର୍ ଝରନା
ଝରି ଜାଉଛେ ପଖାନ୍ କର୍ପନେ
ସୁନାବେଡାର୍ ଗୋଧସ୍
ଲାଗ୍ସି ମକେ ବନେ ।
ଚେରେ ଚିରଗୁନ୍ ଡଙ୍ଗର୍ ପରବତ୍
ପୁରିଅଛେ କୋସଲ୍ ଠାନେ
ଇ କୋସଲ ମାଏଟ୍
ଲାଗ୍ସି ମକେ ବନେ ।
ଡିସମ୍ୱର ମେହେର
ଗଣ୍ତାବାହାଲି ନୂଆପଡା