Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Others

2  

Prasanna Kumar Madala

Others

ସଜାଅ ଜୀବନ ପଥ

ସଜାଅ ଜୀବନ ପଥ

1 min
631



କିଏ ସେ ଗରଜେ ଦୂର ଦିଗନ୍ତର ତଳେ

ଶୁଣିଦେଲା କ୍ଷଣି ଭାବନାରେ ଯାଏ ମଜ୍ଜି,

ଆଣିଦିଅ ତାକୁ ପରାଣ ଆବେଗ ବଳେ

ସପନ ଆମର କେବେଠୁ ଯାଇଛି ହଜି ।


ଖୋଜି ଆଣିଦିଅ ମିଳିଯିବ କେଉଁ କାଳେ

ସ୍ବପ୍ନ ନୁହେଁ ସେତ ଅନ୍ତରେ ଫୁଟିଲା ଫୁଲ,

ବାସୁଥିଲା ତାର ଜୀଅନ୍ତା ଶାଗୁଆ ଡାଳେ

ଦିଶେ ଏବେ ଦେଖ ଭୀଷଣ ଅନଳ ଝୁଲ ।


ଅଥୟ ସେ କିଏ ବଳାଏ ଲୋଲୁପ କାମ

କେଉଁ ପିଶାଚିନୀ ହାତରେ ପଡିଲା ଝରି,

ଗଳାଇ ଲୋତକ ନିରୀହ ନେତ୍ରରୁ ଆମ

ତାର ଅନ୍ବେଷଣେ ଆୟୁଷ ବି ଗଲା ସରି ।


ସାକାର ସପନ ପାଇଁ ଭାବନାରେ ଭାରି

ତାଡନା ଯାତନା ଶୋଷଣରେ ମର୍ମାହତ,

ହୋଇ କରିଥିଲୁ ଅଲଙ୍ଘ୍ୟ ପ୍ରାଚୀର ପାରି

ପ୍ରାଣବଳି ଦେଇ ହୋଇନୁ ବି ପରାହତ ।


ଆହ୍ବାନ ଆସେ ଏ ଶ୍ରବଣ ଗହ୍ବରେ ପୂରି

ଫାଟେ କି ଅନ୍ତର ସୁଦୂର ମେଦିନୀ ତଳୁ ,

ଜାଗେ କି ଚେତନା ଅନିଳ ବଳୟେ ଘୂରି

ପ୍ରବଞ୍ଚକ ଯେତେ ପରମାର୍ଥ କଲେ ଚଳୁ ।


ଯେତେ ଯହିଁ ଅଛ ଆସ ଭାରତୀୟ ବୀର

ଓଗାଳି ରଖ ହେ ଚୋର ଚଣ୍ଡାଳଙ୍କ ପଥ,

ମାଟି ମାଆ ଦୁଃଖେ ହୃଦୟୁ ବୁହାଏ ନୀର

ପାରିଜାତେ ଏବେ ସଜାଅ ଜୀବନ ପଥ ।


ପ୍ରସନ୍ନ କୁମାର ମାଦଳା


Rate this content
Log in