ପ୍ରିୟାର ଅନୁଭୂତି
ପ୍ରିୟାର ଅନୁଭୂତି
ମନ ଚାହେଁ ଆଜି ଆକାଶରେ ଉଡିବାକୁ
ଉଡି ଉଡି ବହୁଦୂର ଚାଲିଯିବାକୁ
ପ୍ରିୟା ଅଛି ମୋର ପରି ରାଇଜରେ
ପହଞ୍ଚିଯାଆନ୍ତି କି ମୁଁ ପ୍ରିୟାର ପାଖରେ ।
ପ୍ରିୟାକୁ କରନ୍ତି ମୁଁ ଆଲିଙ୍ଗନ
ଓଷ୍ଟରେ ଭରି ଦିଅନ୍ତି ଗଭୀର ଚୁମ୍ବନ
ନୃତ୍ୟ କରନ୍ତି ମୁଁ ପ୍ରିୟାକୁ ଧରି
ରାସ କରନ୍ତି ଯେପରି ପ୍ରଭୁ ଶ୍ରୀହରି ।
ପ୍ରିୟା ଠାରୁ ମୁଁ ପାଆନ୍ତି ଆଦର
ହାତରେ ଦିଅନ୍ତି ତାକୁ କେତେ ଉପହାର
ଉପହାର ପାଇ ପ୍ରିୟା ହୁଅନ୍ତା ଖୁସି
ମିଠା ମିଠା କଥା କୁହନ୍ତା ମୋ ପାଖରେ ବସି ।
ପ୍ରିୟା ଉପରୁ ହଟ୍ଉ ନଥିବ ମୋର ନଜର
ପ୍ରିୟାର ସଖି ମାନେ ମୁରୁକି ହସୁଥିବେ ବାରମ୍ବାର
ପ୍ରିୟା ପାଖରେ ବସି ମୁଁ କରନ୍ତି ଭୋଜନ ।
ପରଷଇ ଦିଅନ୍ତା ମୋତେ ସେ ସୁସ୍ୱାଦୁ ବ୍ୟଞ୍ଜନ
ଭୋଜନ ସାରି ମୁଁ ପ୍ରିୟାଠୁ ନିଅନ୍ତି ବିଦାୟ
ହୋଇଯାନ୍ତା କି ମୋପାଇଁ ଏହା ଅତି ସ୍ମରଣୀୟ ।