କାମନାରେ ପଦ୍ମାଳୟା
କାମନାରେ ପଦ୍ମାଳୟା
1 min
6.7K
ହଜାରେ ସପନକୁ ନୟନେ ଭରି
ଶୋଇ ଯାଇଥିଲି ପ୍ରଭୁ
ସପନ ରହିଲା ସପନରେ ଆହା
ଭୁଲିଗଲି ମୁଁ ନିଜକୁ ।
ହଜିଗଲି ତେଲ-ଲୁଣ ପ୍ରେମେ ପୁଣି
ସମୟ ଗଲାତ ସରି
ବାହୁଡିବା ବେଳ ପାଖେଇ ଆସିଲା
ଫେରିବି ସ୍ଵପ୍ନକୁ ଧରି ।
ଅନେକ ସ୍ଵପ୍ନକୁ ଅଳପ ରଜନୀ
ତା ମଧ୍ୟେ ସଂସାର ମୋହ
ଖୋଜୁଛି ନିଜକୁ ନିଜର ଅସ୍ତିତ୍ଵ
ଘେରିଚି ଜଞ୍ଜାଳ ବ୍ୟୁହ ।
ସରିଗଲା ପରେ ଆୟୁଷର ଘୃତ
ତୁମ ପାଦେ ଲୀନ କାୟା
ପୁନର୍ଜନ୍ମ ଲୋଡା ନାହିଁ ଆଉ ପୁଣି
କାମନାରେ ପଦ୍ମାଳୟା ।।।
ପଦ୍ମାଳୟା