ଥକି ଲେଣି ଏବେ ସାଥୀ
ଥକି ଲେଣି ଏବେ ସାଥୀ
1 min
110
କାହା ପେଟ ଏବେ ବଡ଼ତ ହେଲାଣି
ଝାଡିଲାଣି ଚୁଟି କାର
କିଏ ପୁଅ ପାଇଁ ବୋହୂଟେ ଖୋଜୁଛି
କିଏ ଝିଅ ପାଇଁ ବର (1)
ଚାକିରୀ ସରୁଛି ବେମାରୀ ବଢୁଛି
କରିବାକୁ ହେବ ଘର
ଧାଇଁ ଧାଇଁ ଯିଏ ବୁଲୁଥିଲା ଦିନେ
ଆଜି ଚାଲିବାକୁ ଡର (2)
ଥକି ଲେଣି ସବୁ ସାଥୀ ମାନେ ଆଜି
ବୟଷ ଯାଉଛି ବଢି
ପ୍ରେମର କବିତା ଲେଖୁଥି ଲା ଯିଏ
ତା ହାତରେ ଆଜି ବାଡ଼ି (3)
ଇ ଏମ ଆଇ ଆଉ ଦେହର ପରୀକ୍ଷା
କରୁ କରୁ ଦିନ ଯାଏ
ସମୟ ର ଆଜି ଅଭାବ ସବୁଠି
ଭାବିବା ବେଳ ନ ଥାଏ (4)
ଥକି ଲେଣି ସବୁ ସାଙ୍ଗ ମାନେ ଆଜି
ବୟସ ରଥରେ ଚଢି
ଜାଣେନା କାହାର ସମୟ ସରିବ
କିଏ ଯିବ କେବେ ଛାଡି (5)