ଅସ୍ତିତ୍ୱ

ତୁମେ ସିନା ହଜେଇ ଦେଇଛ

ତୁମ ବନ୍ଦ ଦିନଲିପିରେ

ମୁଁ କିନ୍ତୁ ଏବେ ଖୋଜୁଛି ତୁମକୁ

ମୋର ପ୍ରତିଟି ଶବ୍ଦରେ ।।(୧)

ତୁମେ ସିନା ପାସୋରିଛ ମୋତେ

ତୁମ ଏବର ଆଲବମରେ

ମୁଁ କିନ୍ତୁ ଖୋଜିଚାଲେ ନିତି

ତୁମ ବିସ୍ମୃତ ପୃଷ୍ଠାରେ ।।(୨)

ତୁମେ ସିନା ଆଡ଼ କର ମୋତେ

ନିତି ପ୍ରତି ମୁହୂର୍ତ୍ତରେ

ମୁଁ କିନ୍ତୁ ଖୋଜୁଛି ତୁମକୁ

ଅହନିଶି ବିଜନରେ ।।(୩)

ତୁମେ ସିନା ଲିଭେଇଛ ମୋତେ

ତୁମ ହୃଦୟ ଗହ୍ବରରେ

ମୁ କିନ୍ତୁ ଥାପିଛି ତୁମକୁ

ମୋର ହୃଦୟ ମୁକୁରେ ।।(୪)

ତୁମେ ସିନା ଦୁରେଇ ଦେଇଛ

ମୋର ଭଗ୍ନ ଅତୀତକୁ

ମୁଁ କିନ୍ତୁ ସାଉଁଟୁଛି ସେଥି

ମୋର ନିଜ ଅସ୍ତିତ୍ୱକୁ ।।(୫)