ହାଏରେ କ୍ରିକେଟ
ହାଏରେ କ୍ରିକେଟ
ଆସିଗଲା କ୍ରିକେଟ ୱାର୍ଲଡ କପ୍ ,
ଘରଣୀଙ୍କ ହେଇ ଗଲାଣି ମୁଡ୍ ଅଫ୍ ।
ବାବୁ ଏବେ ଟିଭି ପାଖେ ବସି ରହିବେ ,
ତାଙ୍କ ସିରିଏଲ ସବୁକୁ ରଫା ଦଫା କରିବେ ,
ଘଡି କି ଘଡି ଚା, କଫି ର ବରାଦ କରିବେ ,
ଟିଭି ରିମୋଟକୁ ତାଙ୍କ ହାତଛଡା ନ କରିବେ ।
ଛୁଆଙ୍କ ପାଠ ପଢା କଥା ବୁଝୁଛି କିଏ ?
ଛୁଟି ନେଇ ନେଇ ବାବୁ ଖେଳ ଦେଖିବେ,
ବୁଝିବେନି ଘର କଥା, ଶୁଣିବେନି ପଦିଏ କଥା ସିଏ,
ଘର ପଛକେ ଭାସି ଯାଉ , ସେ କଥା ଦେଖୁଛି କିଏ ?
ଘରଣୀ ରାଗ ଜର ଜର ହୋଇ ବଜାର ଗଲେ ,
ବଜାର କଣ କରିବେ ,ଚକିତ ହୋଇ ଦେଖିଲେ ସିଏ,
ବଜାର ସାରା ମୋବାଇଲ ଧରି କ୍ରିକେଟରେ ମଶଗୁଲ ସଭିଁଏ
ଛକ୍କା, ଚୌକା ହେଇଗଲେ , ବଜାର କଂପୁଛି ହୋହାଲ୍ଲାରେ।
କିଲେ ଆଳୁ ମାଗିଲେ , ଦୋକାନୀ ଦି କିଲୋ ଦିଏ ,
ଦୋକାନୀ ମନ ତ କ୍ରିକେଟରେ ,ଦେଉଛି ତଉଲି ଯାହାକୁ ଯେତେ
ଥଳି ରେ ପୁରାଇ ପରିବା , ଘରଣୀ ଘର ମୁହାଁ ଯେ ହେଲେ
ଏତେ ଭାରି ଥଳି ଧରି ନ ପାରନ୍ତି, ଅଟୋରିକ୍ସା କରି ଯାଇବସିଲେ ।
ବାଃ ବାଃ ରେ , କି ୱାର୍ଲଡ କପ କ୍ରିକେଟ ଖେଳ ଯେ ଇଏ
ଅଟୋ ବାଲା ଚଳାଏ ଅଟୋ, ହେଲେ ଆଖି ତା କ୍ରିକେଟରେ ,
ଘରଣୀଙ୍କ ମନ ଦୁକୁ ଦୁକୁ , ଆଖି ଅଛି ତାଙ୍କ ରାସ୍ତା ଉପରେ ,
ଘର ପାଖ ହେଲା ଯେମିତି , ଅଟୋ ଦେଲା ଠୁକି ରାସ୍ତା କଡରେ ।
ମଥା ଫାଟି ରକତ ଝରେ , ଘରଣୀଙ୍କ ରାଗ ଯାଇ ପଞ୍ଚମରେ
ଘରେ ଯାଇ ଦେଖିଲେ , ନଜର ନାହିଁ କାହାରି ତାଙ୍କ ଉପରେ
ପରିବା ବ୍ଯାଗକୁ ଫୋପାଡି ଦେଇ ,ରିମୋଟ ନେଇ ଟିଭି ବନ୍ଦ କଲେ ,
ରିମୋଟ ନେଇ ,କବାଟ କିଳି, ସିଏ ରାଗି ଯାଇ ଘର ଭିତରେ ରହିଲେ ।
କଥା ଯେ ହେଲାଣି ଅଡୁଆ, ବାବୁ ବସି ଟିକିଏ ଚିନ୍ତା କଲେ ,
ଅନଲାଇନରେ ଖାଇବା ମଗାଇ , ଘରଣୀଙ୍କ ମାନ ଭଞ୍ଜନ କଲେ ।