ଆସ ଦୁର୍ଗେ
ଆସ ଦୁର୍ଗେ
1 min
1.5K
ନଦୀଜଳ ଧୀରେଧୀରେ ହେଲା ପରିଷ୍କାର
କାଶତଣ୍ଡି ନଦୀପଠା କଲା ଶୁଭ୍ରତର ।
କୃଷକ ହରଷ ଦେଖି ଫସଲ କିଆରି
ଆସ ଜଗତ ଜନନୀ ଧରା ଅବତରି ।
ଦେବତାଙ୍କ ଦୁର୍ଗତି କାଳରେ ଆବିର୍ଭାବ
ମହିଷାସୁରକୁ ତୁମେ ନିଧନ କରିବ ।
ତବ ଆଶୀର୍ବାଦେ ରାମ ରାଜୀବ ଲୋଚନ
ଦଶମଥା ରାବଣକୁ କରିବେ ନିଧନ ।
ପରଂପରା ଆମ ମାତୃ ଜାତିର ପୂଜନ
ଶକ୍ତି ହୀନ ସଦାଶିବ ଶବ ପରି ଗଣ ।
ମନ୍ତ୍ରହୀନ କ୍ରିୟାହୀନ ଭକ୍ତିହୀନ ପୂଜା
କି ଦେଇ ପାରିବି ମାତ ଆହେ ଦଶଭୂଜା ।
ସରଳ ମନ ସୁମନ କରୁଛି ଅର୍ପଣ
ଧନ୍ୟ ହେବି ମାତା ଯଦି ଘେନିବେ ଆପଣ ।
ବିଂଶ୍ୱେଶ୍ୱର ମାଝୀ