ଅବୁଝା ମୋ ପ୍ରିୟା

ରୁସିଯାଇଥିଲା ପ୍ରିୟତମା ମୋର

ହାଣ୍ଡି ମୁହଁ ଟିଏ କରି

ଯେତେ ମନାଇଲେ ମାନିଲାନି ଜମା

ବସିଥିଲା ମୁହଁ ମାରି l

ଅବୁଝା ପ୍ରିୟା ମୋ ଲାବଣ୍ୟବତୀ ସେ

ସୌନ୍ଦର୍ଯ୍ୟରେ ଭରପୁର

ଭାରିଅଭିମାନୀ ଜୀବନ ସଙ୍ଗିନୀ

ଆଖିରେ ଲୁହ ଭଣ୍ଡାର l

ଲାଲୀ ଓଠରେ ଖିଏ ହସ ପାଇଁ

କେତେ ଯେ ଚେଷ୍ଟା କଲି

ନୂଆ ଶାଢ଼ୀ ଡ୍ରେସ କେତେ ଆଣିକରି

ତା ପାଖରେ ଥୋଇଦେଲି l

ରାଗିକି ପ୍ରିୟାମୋ ଦେଖିଲାନି ଜମା

ମୁହଁଟିକୁ ମୋଡି ଦେଲା

କେମିତି ମନେଇ ହସ ଫୁଟେଇବି

ବୁଦ୍ଧି ମୋର ବାମ ହେଲା l