ଖସିକି ପଳାଏ ଲୁଚି
ଖସିକି ପଳାଏ ଲୁଚି
ଚାହାଁ ଲୋ ସୁମନା-ଚାହାଁ,
ମୋ କହ୍ନେଇ କରେ ଯାହା ।
ଚାହିଁଛି ବଉଳା ଗାଈ ;
ତୁନି ତୁନି କରି ବାଛୁରୀ ସାଥିରେ
କାହ୍ନା ଯାଏ କ୍ଷୀର ପିଇ ।
ଯେତେବେଳେ ଦିଏ ଯାଚି ,
ସର ଲବଣୀ ମୁଁ କିଛି ।
ନାହିଁ ନାହିଁ କରି କାନ୍ଦେ ରାହା ଧରି
ଖସିକି ପଳାଏ ଲୁଚି ।
ଏଡ଼ିକି ବକଟେ ଛୁଆ ,
ବାହାନା କରେ ସେ ନୂଆ ।
କେବେ ଦିଏହସି କେବେ ଯାଏ ରୁଷି
ହେଲାଣି ଲୋ କଥା କୁହା ।
ଆଉ କେବେ ଲୁଚିି ଯାଇ ,
ଗୁହାଳେ ଦୁହଁଇ ଗାଈ ।
କୁନି କୁନି ଯେତେ ବାଛୁରୀ ଲୋ ସତେ
ଆସେ ପଘା ଖୋଲି ଦେଇ ।
ଯେତେ ତା'ର ଠାଣି-ବାଣୀ ,
ମନ ନେଇଯାଏ ଟାଣି ।
କାମନା ମୁଁ କରେ ପଣତ ଉହାଡ଼େ
ରଖିଥା'ନ୍ତୁ ଠାକୁରାଣୀ ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।