ଧେତ୍ ମଣିଷ
ଧେତ୍ ମଣିଷ
ମଣିଷ କେବେ ଗଧ ହୋଇ ପାରେନା
କାରଣ ଗଧର ଚାରିଟା ଗୋଡଥାଏ;
ସେଥିପାଇଁ ମଣିଷ ନିଜର ଚାରି
ଚକିଆଟିଏ କିଣିବାକୁ ବ୍ୟାକୁଳ ହୁଏ!
ମଣିଷ କୁକୁରକୁ କାମୁଡି ପାରେନା
କାରଣ ତାର ଦାନ୍ତ ଭୁକେନାଇଁ;
ସେଥିପାଇଁ ମଣିଷ ଆଜୀବନ
ପୋଷେ ତାକୁ ବିଶ୍ବସ୍ତ ପ୍ରାଣୀ କହି!
ମଣିଷ ମାଙ୍କଡ ଦାୟାଦ ହୋଇପାରେନା
ଏଥିରେ ତିଳେମାତ୍ର ସନ୍ଦେହ ନାହିଁ;
ତେଣୁ ଦିହେଁ ଦିହିଙ୍କି ଦେଖିଲେ
ସେଇ ରାଗରେ ତଡନ୍ତି ଗୋଡେଇ!
ମଣିଷ ଛେଳି ହୋଇ ପାରେନା
କାରଣ ସିଏ ଛେଳି ଓ ଟଙ୍କା ଖାଏ;
ବିଚରା ଛେଳି ରୋଗିଣା ମଣିଷ ପରି
ସବୁଜ ଘାସପତ୍ର ଖାଇ ଜୀବନ କଟାଏ!