ଜେଜେ ଭାରତର

ଜେଜେ ତୁମେ ଥିଲ ଗାନ୍ଧୀଙ୍କ ଆଦର୍ଶ

ତ୍ୟାଗ ଅହିଂସା ପୂଜାରୀ ।

ଭାରତ ଆମର ଆମେ ଭାରତର

ଏ ଦେଶ କୁହ ଆମରି ।।

ସ୍ୱାଧୀନ ଭାରତ ସଂଗ୍ରାମରେ ମାତି

ହୋଇଲ କାରାବରଣ ।

ଗାନ୍ଧୀଙ୍କ ସାଥୀରେ ଫିରିଙ୍ଗି ପାଇଁକି

କଲ ଅହିଂସାର ରଣ ।।

କେତେ ଆନ୍ଦୋଳନ କେତେ ଅନଶନ

ବଳେ ସ୍ଵାଧୀନ କରିଲ ।

ଆଜୀବନ ତୁମେ ନିଃସ୍ଵାର୍ଥ ଭାବେରେ

ସମାଜ ସେବା କରିଲ ।।

ଖଟି ଖାଅ ନୀତି ରବୀନ୍ଦ୍ରଙ୍କ ଗୀତି

ଗାଉଥିଲ ଜେଜେ ସର୍ବେ । 

ସାଧାରଣ ପରି କାଟୁଥିଲ ଦିନ

ମୁଁ କୁହ ଓଡ଼ିଆ ଗର୍ବେ ।।

ତୁମ ବିୟୋଗରେ ଶୂନ୍ୟସ୍ଥାନ ପଡେ

ସଂଗ୍ରାମୀର ଇତିହାସେ ।

ଭାରତ ମାଆର ସୁଯୋଗ୍ୟ ସନ୍ତାନ

ଜେଜେ ଆସନ୍ତକି ପାଶେ ।।