Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Disambar Meher

Tragedy

2  

Disambar Meher

Tragedy

ଫଟା କରମ୍

ଫଟା କରମ୍

1 min
6.9K


ବେଲ୍ ଉଦ୍ତି ବୁଡ୍ତି କେ

ଡାକୁଥିନି ଧରମ୍ କେ

ପୋ ଗୁଟେ ଦେ ଝି ଗୁଡେ ଦେ

ମୋର୍ କରମ୍ କେ ।

ପୋ ଗୁଟେ ପାଏନି

ଝି ଗୁଟେ ବି ପାଏନି

ଭାତ୍ ଲିତା ଖୁଆଇ

କେତେ ଚୁମା ଲାଡ୍ କନି ।

ସହର୍ କେ ପାଠ୍ ପଡିଜିବାକେ

ପୋ ହେଇଥିଲା ତନାବନା

ପୋ ପଢୁ ବଲି ଦି ଅଖର୍

ବିକି ଦେନି ସୁନାଗହନା ।

ଝି କେ ହେଲା ଅଠ୍ର ବଛର୍

ହାତ୍ କେ ଦି ହାତ୍ କର୍ମିବଲି

ସଅଁକାର୍ କେ ବିକିଦେନି

କୁଡେ ପୁଟିଆ ବାହାଲ୍ ଡୁଲି ।

ପୋ ପଢ୍ଲା ଏମେ ବିଏ

ହେଲା ବଡ୍ ଆଫିସର୍

ସହରରେ ହେଲା ବିହାବର୍ତନ୍

ପାସ୍ରି ଗଲା ଇ ବାପର୍ ଖବର୍ ।

ବଏଷ୍ ହେଲା ମୋର୍ ଅସୀ

ଗୋଡ୍ ହାତ୍ ଯାଉଛେ ବସି

ଘରେ ନାଇଁ ନା ଟଁକା ପଏସା

ନାଇଁନ ମୁଠେ ଆରନ୍ ବାସି ।

ଆଖିର ପାନି ଆଖି ପିଉଛେ

ଧରମ୍ ଦେବ୍ତା ସବୁ ଦେଖୁଛୁ

କେଁଟା କହେମି ତକେ ମହାପୁରୁ

ଫଟା କରମ୍ କେ ଇଟା ଦେଇଛୁ ।



ଡିସମ୍ବର ମେହେର

ଗଣ୍ଡାବାହାଲି ନୂଆପଡା


Rate this content
Log in