ଧର୍ମ ଅଧର୍ମ
ଧର୍ମ ଅଧର୍ମ
ଧର୍ମ ଅଧର୍ମର ପଶାପାଲି ଖେଳ
ନିଇତି ଏଠାରେ ଚାଲେ
ପ୍ରମାଣ ଅଭାବୁ ହାରିଯାଏ ଧର୍ମ
ଅଧର୍ମଟା ମାଡିଚାଲେ ।
କୁରୁ ସଭାତଳେ ଗୋଟିଏ ଦ୍ରୌପଦୀ
ହୋଇଥିଲା ବିବସନା
ଆଜି ଧର୍ମଦାଣ୍ଡେ ହଜାରେ ଦ୍ରୌପଦୀ
ହେଉଛନ୍ତି ହୀନିମାନ ।
କୁରୁ ସଭାତଳେ କେଶବ ରଖିଲେ
ବନ୍ଧୁତ୍ୱରେ ବନ୍ଧା ଦ୍ରୌପଦୀ ସତୀତ୍ବ ମାନ
ହେଲେ ଆଜିର ସମାଜେ ବନ୍ଧୁତ୍ୱ ଆଳରେ
ନାରୀଟିକୁ କରିଦ୍ୟନ୍ତି ଗଣିକା ସମାନ ।
ଗୋଟେ ଦୁର୍ଯ୍ୱୋଧନ କି ଗୋଟେ ଦୁଃଶାସନ
ନୁହଁନ୍ତି ଏଠି ଭକ୍ଷକ
କୋଟି କୋଟି ଦୁର୍ଯ୍ୱୋଧନମାନଙ୍କର
ଲୋଲୁପ ଫାଶରେ
ଆବଦ୍ଧ ଆଜିର ଏ ନାରୀ ସମାଜ ।
କାଗଜ କଲମେ ଚାଲେ ଏଠି ନିତି
ନାରୀ ସୁରକ୍ଷାର କଥା
ନାରୀକୁ ବିପଦ ଆସେ ଯେତେବେଳେ
କାହାରି ନଥାଏ ଦେଖା ।
ଆସ ଆସ ହେ କେଶବ ତୁମେ
ପୁଣିଥରେ ଜନ୍ମ ନିଅ ଏ ଧରା ପୃୃୃଷ୍ଠରେ
ଶାନ୍ତକର ଏ ମହୀକୁ ତୁମ ଭୂଜଛାୟାତଳେ
କୁରୁ ବଂଶ ଲୋପ ପାଉ
ରାମ ରାଜ୍ୟ ହେଉ ପୁଣି ପ୍ରତିଷ୍ଠା
ଗାନ୍ଧୀଙ୍କର ସ୍ୱପ୍ନ ହେଉ ସତ୍ୟ
ରାତି ଅଧେ ନିର୍ଦ୍ୱନ୍ଦ୍ୱରେ ନାରୀଟିଏ
ଚାଲିପାରୁ ଏକା ।
ମମତା ମଞ୍ଜରୀ ଦାସ ,ନୂଆପଡା
ପ୍ରେସକଲୋନୀ ,ମଧୁପାଟଣା ,କଟକ